Коронавируснаң палғалыстығ хатығластар нымзадылча
05.11.2021
Хабарлар
Республикадағы оперштабта 28 октябрьдаң 7 ноябрьға теере кирiлген ковид хатығластарын нымзадарға чарадығ алылған.
Идiнӌектерге 8 ноябрьдаң сығара пос киреенең айғазарға чарадылча, че тоғынӌыларының пiр иммунитет парын киречiлепчеткен паспорт поларға кирек. Ол паспортты алып алар ӱчӱн, тоғынӌыларның 80%-i хайди даа вакцинация иртiбiскен поларға кирек. Алай коронавируснаң ағырып, алты ай иртпеен поларға кирек. Ағаа хоза, чонны азырапчатхан кафе-столовайларзар, спортзалларзар, культура учреждениелерiнзер 50% кiзее кiрерге чарадылча. Оларның хайди даа QR-код поларға кирек. Ӱстӱнде адалған учреждениелерге 23:00 частаң 6:00 часха теере тоғынарға чарадылбинча.
Чазы читкелек олғаннарға спорт паза культура учреждениелерiнзер улуғлары чох чöрерге чарир. Че чонны азыраӌаң паза ӱтертiнӌең орыннарзар хайди даа iӌе-пабаларынаң алай законнай представительлерiнең чöрерге киректер, че хада вакцинация ирткеннеңер сертификат ползын.
Ағбан, Харатас паза Саяногорск городтарда кӱскӱ каникуллары 9 ноябрьға теере узарадылча. Пасха муниципалитеттерде ӱгредiг кирее коронавирус хайди тарирынаң палғалыстығ. Олғаннар ибдең сығара ӱгренерге айабастар. Олған садтары 8 ноябрьдаң сығара толдыразынаң тоғынар.
Ағбан, Харатас паза Саяногорск городтар iстiнӌе чонны тарт чöрӌең автобустар паза троллейбустар 8 ноябрьдаң сығара рейстерiнӌе чöрерлер, че олар санитарнай нормаларға тудынарлар.
8 ноябрьдаң сығара 60+ частығ чуртағӌыларға киректерi хоостыра ибдең сығарға чарадылча. Прививка турғыстырбаан аға-ууӌалар аннаң андар ибде одырарлар.
22.00 час иирдең 6.00 час иртенге теере ибде одырӌаң хатығлас iдöк суурылча.
Локдаун тузында организацияларның 50% тоғынӌызына ибдең сығара тоғынарға киректелген полза, амды 30% тоғынӌы iди тоғынар.
Коронавирус ағырығнаң палғалыстығ режим 12 декабрьға теере узарадылча.
Автор :
Тимнеен Татьяна Тютюбеева
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде