АСХЫС -ХАКАСИЯНЫҢ ЧӰРЕЕ
04.10.2016
Хабарлар
Пос кӧрізі
жжойбалчазызындахойлар соонҷа чӧрчеткениренге тоғас
парғам. Сотовай телефоннаң радионы тыңнаҷаң наушниктерні кӧр салып, сурған:
- Ниме исчезің ?
- «Асхыс» радиозын.
- Чахсы, хайдағхыйға кізісағынып алған аны, я?!
Мына піди пирген суриина пос позы нандыр пиргенін ол си-зінминдее халған полар. Сағынып алғаны чахсы, че сағысты толдыр полғаны уламох чахсы, пос алынҷа сағын салғам мин.
Хойбал чазызында телефонным «Россия», «Сибирь» паза «Асхыс» радиостанцияларын на чахсы тутча. Радио истіп-четсе, итчеткен тоғыс таа ниик, туе таа табырах иртчеткенге тӧӧй пілдірче.
«Россия» 102,7 ҒМ каналда чир-суубыстағы хабарларны ис-ТІП алчазың. Че аннаң андар ай-мах имнернің тоозылбас-пар-бас чархастығ рекламалары пар сыхча. Че мағаа, Хакасияның чуртағҷызына, хай-хай чағын ча-ғынғы хабар-тылаастарны пі-лерге, истерге. Хонҷиим хайди чуртап парир? Халча «Асхыс» 103.2 ҒМ радиозы. Анда хакас паза орыс тіллерінең хабарлар искірілче. Хайдағ кӱн полар, гороскоп піліп аларға чарир. Аннаң андар музыкалығ чола-биттер, рекламалар, орыс, пасха хан тілінең сарыннар хатал-чалар.
Кӧні чоохтаза, «Асхыс» радиозын, хакас сарыннарын на истіп алар ӱчӱн, таллап алчам. Че, ачырғасха, пӱӱнгі кӱнде хакас сарыннарын илгекнең не сӱӱп аларға чарир. Ноға чара-бас хакас сарыннарын килкім кизектернең искір турарға? Са-ғынчам, чоныбыстың сарынна-рының чыындызы пай. Хатал турза, харығ полбас, чахсы ниме чархандырбас. Ағаа хоза, наа сарыннар пазылчалар, наа «чыл-тызахтар» чарыпчалар. Ноға оларны искірбеҷең? Хай пірее чайаачыларның компакт-диск-тері хаҷанох сыххлап парған-нар. Ноға оларны ундутчабыс?
Эфир тузында орыс тілінең «Асхыс» радиостанциязы Асхыс - Хакасияның чӱрее тіп ис-кірче. Сағынчам, ӧкер истілчет-кен чахсы хығыртығлар. Че оларны чарлаан соонда хайди даа хакас сарыны истілерге кирек. Че...
«Асхыс» радиозы Герман
Танбаевтің «Хакасия» сары-нын удаа искірче. Аны аймах сарынҷылар толдырчалар. Ан-зы прай даа саринаң чахсы паза махтағлығ. «Чалахай Хакасия», «Табырах», «Чалаас азах тузым» паза даа пасха сарыннар хатап-хатап искірілчетсе дее, анзына ирікпинчезің. Пос-ха пости чағын нооза. Оларны олаңай исчезің, кӧңніңні час-харчазың.
Че ӱр ниместе мин «Іҷенің часказы», «Айдолайның ыры» сарыннарны искем. Олар ха-ҷанох чон сарыннарына айлан парғаннар. Культураның ис-пайы полчалар. «Іҷенің часказы» сарыннын, ады ла позы чоохтапча кемнің адынаң па-зылған, кемнің паарынаң сых-хан ол. Че «Асхыс» радиозы ол сарынны пірсінде ирен кізінің хойығ ӱнінең читірген. Килісті-ре нимес. Аның авторы - Евдокия Тыгдымаева, ол, сарынны пу чарыхта искен полза, чӧпсі-нерҷік ни? Ікінҷілепчем. Са-ғынчам, пу сарын ырҷы Нина Идимешеваның адынаң палға-лыс парған. Пӱӱнгі кӱнде аннаң артых аны улуғ сценада пір-деезі толдыр полбас. Ол сарын культураның алтын сайра-мазы полча.
Амды «Асхыс» радиозында хакас тілінең искірілчеткен ха-барлардаңар хай пірее сағыс-тарымнаң ӱлезерге сағынчам. Мағаа, радио истіпчеткен кі-зее, Сириядағы, Бельгиядағы паза даа пасха хан чирлерін-дегі хабарларны пос тілінең истерге ноо хынығдыр? Мағаа хай-хай хынығ, тузалығ орын-дағы хабарларны тузында пі-ліп одырза. Радио прайзынаң табырах искіріг пирчеткен, чап-чаң тоғынчатхан учреждение полча.
Ефим АЛАХТАЕВ
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде