ТИГІР КӦК ӦҢ - АМЫР ЧУРТАС ТАНИИ
04.10.2016
Хабарлар
Ағбанның чииттер ӧргезінде «Голубые береты» Россияның кии-десант войсколарының концерт ансамбльы ойын турғысхан. Хакасияда ааллап, Ағбаннаң пасха, Саяногорсктағы чуртағҷыларны сарыннарынаң ӧріндіргеннер.
Таныхтирға кирек, Хакасиязар олар сыбыра кил парчалар, 1991 чылдаң пеер килчебіс тееннер. Мағаа оларның концертін кӧрерге киліспеен полған, че оңдай полғанда, ноо пар килбеҷең.
Ансамбль, Россияның пу-
луңнарынҷа чӧріп, ВДВ-ның 86 -
чылына чарыдылған ойын-нарны турғысча. Сценада иргі сом-нар, десантниктер, чаалазығ тузы, видео кӧзідии парған. «Кӱстіг Рос-сияның тании - тигір кӧк ӧңніг бе-реттер, тас-хайалар чіли, хадағда турчалар...» Мындағ сӧстернең сары-нын пастаан Сергей Яровой. Анаң ансамбль устағҷызы, майор Сергей Яровой, мының алнында Ағбанзар килген тусты сағысха кирген. Горо-дыңар ӧңненче, 1990 чылларнаң тиң-нестірҷее чоғыл тіп таныхтаан ол. Ана мындағ сарын-чоохтазығ паза хормачыланыстар оңдайынаң иир чылығ ирткен.
Пӱӱл, 19 ноябрьда, «Голубые береты» ансамбльға 31 чыл толча. Пілдістіг, пу тус аразына кӧп сарын пазылған. Олар прайзы даа Афганистана, чааҷыларға, чир-суубысха, іҷелерге чарыдылча. «Голубые береты» сарын Афганистандағы чаа-лазығлар тузында пазылған. Олар сын чуртастаңар ырлапчалар. Пос
оңдайынҷа тӧстелген ансамбльның пастағы концерті 1985 чылда 19 ноябрьда Афганистанда ирткен. Ан-наңар пу кӱн оларның тӧреен кӱніне саналча.
1989 чылда Баку хыринда Кас-пийскай талайзар самолет тӱс пар-тыр. Самолеттағы прай чааҷы эки-пажының чуртазы ӱзілген. Ағаа ча-рыдып, пу иирде артисттер «Падала синяя птица» ырны толдырғаннар. Залдағы прай чон, азах узына турып, сарынны искен. Кӧрігҷілернің илее-дезінің харахтары частан парған ол туста, ипчілер харахтарын удаа чыс-хлан турғаннар.
Хайди за, артисттер чӱрек тибі-реде ырлапчалар, сӧстері, тізең, ухтар чіли кӧні саапчалар. Олар, Тиксі Россияҷа чӧріп, кічіг аал алай город ползын, хорғыстығ, кізее кирек чох чаадаңар ырлапчалар, чаалазығ-ларда чат халған, айланмас нанҷы-ларын хумартхылапчалар.
«Изен, іҷең!» сарын чӱректер
тибіреткен. «Изен, іҷең! Пічік сағаа пасчам, прай ниме минің чахсы. Че хайди идер зе, мында Афганистан...» мындағ сӧстер ол сарында. Пічии ибзер читкенҷе, чааҷы чаалазығда чат халған. Іҷезі, пічиин хығырып, оолғы хазых тіп сағынҷаң.
«Голубые береты» ансамбль, чыл ибіре концерт кӧзідіп, Москвадаң пасти Владивостокка теере чӧредір. Ойын чорыхтары, 20 февральдаң пасталып, 9 Май, Пограничник кӱні паза пасха чааҷылар ӱлӱкӱннері хоостыра узарадылча. Ойын соонаң, мылчаға пар киліп, тынанарға хын-чалар. Пірсінде Белоруссияда 58 концерт турғыстырлар. 58 хати мылчаға чӧргебіс тіп хаңалҷап чоох-тааннар: «Концерт - мылча, концерт - мылча!» Узун чорыхтарда, тоғынып, сыдазарға кирек нооза.
Улуғ лейтенант Юрий Слатовнаң Сергей Яровой Новосибирсктегі пӧзік политика училищезінде хада ӱгрен-тірлер. 1987 чылда, Москвада «Когда поют солдаты» телепередача суу-рылчатханда, олар тоғас парғаннар. «Орденнер садылбинча» сарыны ӱчун андада Юрий Слатов пастағы орын алған. Аның соонаң олар хада тоғын сыхханнар.
<=] 7 стр.
Хызыл Чылтыс орденге ту-рысхан Юрий Слатов «Орден-нер садылбинча» сарын хайди тӧрееннеңер чоохтаан: «Аф-ганистаннаң ибзер тынанарға парчатхам. Ташкенттегі вок-залда пір инейек мағаа, уйат-пин, кізі орден-медальларын
кисчезің тіп ӧкпеленген. Са-рында «орденнер садылбинча, пістің не хазнада анзына тоғасчабыс...» сӧстер пар.
Денис Платонов (синтезатор) паза Дмитрий Бахрушин (бас-гитара) Свирскойдағы кии-десант дивизиязында служба иртчеткеннерінде, оларны Сергей Яровой ансамбльзар хы-ғырған. Денис профессиональ-най скрипач полтыр, Саратов-тағы музыка училищезін тоос-хан. Ідӧк ол пасха музыка инс-трументтерінең ойнапча. «Піс аны ансамбльның иң хыйғазы адапчабыс», - кӱлімзіреп чоохтаан Юрий Слатов. Музыка ки-реен профессионал синінде пілчеткені ӱчӱн чізе. Денис Платонов концертте, гитара-наң ойнап, позының кӧглерін толдырған. Оларның пірсі «Арама чарытчам» адалча. Аның ағазы Илбек Ада чаада чат халтыр.
«Голубые береты» Россия-ньің чааҷы кӱстерінде чалғыс ла ӧме, хайзында прай ара-ласчы Россияның саблығ ар-тизі полча. Ансамбль кӧп сый-
ыхтарнаң таныхтатхан. Кӧзі-дімге, «Шансон года-2011» сыйыхха турысхан.
Сарыннар арали чоохтазығ-лар парған сылтаанда, ойын сала сӧӧ тартыл парыбысхан. Че оларның постарына хаңал-ҷапчатханын, хынығ киректер-деңер чоохтарын нинҷе дее истіп одырарҷых. Кӧрігҷі иирні
хатхы-кӱлкіде, харах часта-рын чысхланып, ізіг айа са-быстарынаң иртірген, артист-тернең хада саблығ «Синева» сарынны толдырған.
Ансамбль араласчылары, залға толдыра чон чыылған ӱчӱн, алғыс сӧстерін читірген-нер. Пос орын чох полған ноо-за. Пос туста артисттер Ағбан-ның садьіғ тураларының пір-сінзер кіргеннерінде, ӱн исті-ле тӱстір: «Аарлығ нанҷылар! 29 сентябрьда «Голубые береты» ансамбльның концерті полар...» Ооллар хайхап таа партырлар. Че мында хайха-ҷаң ниме чоғыл. Пу ансамбль-ның сарыннарына мындағы чон хынча, концерттеріне чыл сай хынып чӧредір.
Автор :
Елена САГАТАЕВА
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде