НАНДЫРЫҒЛЫҒ ТОҒЫНАРҒА
07.10.2016
Хабарлар
Ағбан пилтірінде Елена Егорова Ағбан пилтірі аймааның пазы полыбысханына чарыдылған мероприятие ирткен.
18 сентябрьда ирткен табығларның салтарларынҷа Елена Егорова, табығҷыларның 36,89 процент ӱнін чыып, аймахтың пазына табылған.
7 октябрьда ирткен инаугурацияда Ағбан пилтірі аймааның наа устағҷызын Хакасияның пазы Виктор Зимин алғыстаан.
- Прай чӱреемнең Елена Владимировна Егорованы Ағбан пилтірі аймааның пазына табығларда утып алғанынаң алғыстапчам! Мин киртінчем, ол, аймахха туза ағылып, прай кӱзін салып паза нандырығлығ тоғынар.
Елена Владимировна іди тоғын полча, хазна чарадығлары хайди тимнелчеткенін паза чарадыға алылчатханын пілче, - теен Виктор Зимин.
Виктор Зимин Ағбан пилтірі аймаа пос оңдайлығ полчатханын таныхтаан. Ол регионның ӧӧн городына паза промышленностьтығ Харатас городха чағын орныхча. Аннаңар кӧбізі Ағбанда алай Харатаста тоғынча. Олох туста аймахтың наа пазының алнында турчатхан ӧӧн пӧгіннернің пірсі - аймах істінде полызығлар пирерінің синін, ол санда хазна полызығларының, кӧдірері.
- Пiс Елена Владимировнанаң Ағбан пилтірі аймаанда чуртағҷыларның чуртас синін ӧскіреріне хайдағ тоғыс апарарға киректелчеткенін ӱзӱргебіс. Пар сурығлар имнег полызиин турыстығ пирерінҷе, коммунальнай полызығларҷа, чолларны нааҷылирынҷа, - теен Хакасияның пазы.
Хакасия пазы кӧп палалығ сӧбірелерге, чиит улусха паза чир участоктарын пирҷең программаа алынҷа хайығ салған:
- Мин ізенчем пу программаа, аның иң улуғ тоғызы Ағбан пилтірі аймаана килісче. Кӧп тее тус иртпес, пу пӱӱн ээн турчатхан чирлерде наа туралар пӱдіріл парар, тынанҷаң орыннар тӧстелер. Анзы ідӧк Ағбан пилтірі аймаана тиліҷең хоза оңдай, ол муниципальнай пӱдісте ӧткін чуртағҷылар санын, инфраструктуразар инвестицияларны ӧскірер. Правительство аймахтың устағ-пастаана пу программаны чуртасха кирерінде полызарын узарадар. Піс кӧӧлҷе прай сағынған сағыстарны чуртасха кирербіс.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде