ПРАЙЗЫ ЭКСТРЕМИЗМГЕ ТОҒЫРЛАНАРҒА КИРЕК
21.10.2016
Хабарлар
жжакасияның правительство туразында Россияның Безопасность Чӧбі хачызының паза Россия президентінің Сибирьдегі
федеральнай округтағы полномочиеліг кізізінің хада-пірге чыылии ирткен. Анда СФО-ның губернаторлары, ол санда Хакасияның пазы Виктор Зимин, Безопасность Чӧбі аппарадының паза Россия президентінің СФО-дағы полпреді аппарадының тоғынҷылары, федеральнай министерство-ведомстволарның кізілері, ідӧк Хакасияның кӱс структураларының устағҷылары араласханнар.
Чыылығның тоғызын ас-хан Россия президентінің СФО-дағы полпреді Сергей Меняйло. Ол Россияда экстремизмге тоғырланар стра-тегияны чуртасха кирері уғаа кирек полчатханын таныхтаан. Аның чооғынаң, прай ӱлгӱ органнары, орын-дағы пос устаныс органнары, халых пірігістері пу то-ғысты апарарға киректер. Экстремизмге тоғырланар сурығ, Сибирьдегі федеральнай округта ла нимес, прай федеральнай округ-тарда ӱзӱрілче. Федеральнай синде пу сурыға улуғ
хайығ салылча. Россияның прай чонына, нациялары-на, хада-пірге тудынып, экстремизмге тоғырланар-ға кирек.
Мында таныхтирға кирек, Россияның Безопасность Чӧбінің хачызы Николай Патрушев Хакасиязар кил-беен, Чыылығда аның орын-ҷызы, мының алнында Рос-сияның МВД министрі пол-ған Рашид Нургалиев ара-ласхан. Сергей Меняйлоның соонда Рашид Гумарович чоох тутхан. Ол Россияның Безопасность Чӧбінің хачызы Николай Патрушевтің
чахиинҷа пу чыылығны ир-тірче.
Хайди Нургалиев таныхтаан, пылтыр мындағ мероприятие Хызылчар крайын-да иртірілген. Анда нарко-тиктер тарапчатханына то-ғырланар сурығлар ӱзӱріл-ген, ідӧк ағас промышленность комплексіндегі законодательство сайбалчат-ханын тӱзедер сурығлар кӧдірілген. Ирткен чылда пу сфераларда кӧп тоғыс толдырылған, наркотик-тердең тоғыр пропаганда апарылған, наркотиктер-нең тузаланарға чыылчат-
хан наркопритоннар чабыл-ған, илееде чирлерде ӧс-четкен киндір чох иділген, наркотиктер таратчатхан-нарның чоннар аразындағы палғалыстары ӱзілген.
Ағас отрасльында 300 азыра закон сайбаа ілезіне сығарылған, анда хазнаа иділген ӱрег сині 125 миллион салковайға тиңнелген. Аны сайбағҷылар хазнаа айландырарға киректер. Ағас отрасльы тоғынҷыла-рына халғанҷы туста чал ахчазы кӧдірілген, чуртас оңдайлары чахсыланды-рылған. Пу сферада ам даа
кӧп тоғыс апарарға кирек: налогтар чыырын кӧдірер-ге, коррупциянаң палғалыс-тығ киректерні чох идерге, таможня тоғызын иптирге.
Амғы чыылығда ӱзӱріл-четкен сурығдаңар чоох-тап, Рашид Нургалиев, экс-тремизмнең тоғыр профилактика тоғызын прайзына апарарға кирек полчатханын таныхтаан. Аның чоо-ғынаң, экстремизм паза нациялар аразындағы ыыр-ластарны кӧдірчеткені хаз-наның суверенитедіне паза хорғыс чох чуртазына улуғ хорғыс ағылча. Экстремизм Сибирьдегі регионнарда даа сығысчатханы таныхтал-ча. Амды экстремист са-ғыстары Интернет пастыра тарадылчалар, кизе-тоғыр исламисттернің ӧмелерін-зер кізілерні тартып алар тоғыс апарылча. Экстремизмге, терроримзге хығыр-чатхан материаллар Интер-нетте кӧп сыхчалар.
Экстремизмге тоғырла-нар тоғысты ӱгредіг заве-дениелерінде, муниципаль-най пӱдістер синінде, чиит-тер аразында, профессио-нальнай паза халыхтар пі-рігістерінде апарарға ки-ректелче. Ідӧк хайығ са-ларға кирек Россиязар то-ғынарға килген мигрант-тарнаң тоғыс апарарына. Оларны орыннардағы чах-сы чуртасха тартып, миг-ранттар аразында экстремизмге тартылчатхан алын-ҷа ӧмелер тӧстир оңдай-лар пирбеске кирек.
Рашид Нургалиев чоо-ғын тоосхан соонда, жур-налисттерні чыылығ залы-наң сығарыбысханнар, чыы-лығ чабых режимде узара-дылған.
Автор :
Николай СУЛТРЕКОВ
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде