ӦРТ СЫҒАРБАС ОҢДАЙЛАРҒА ТУДЫНАРҒА
07.04.2017
Хабарлар
Хакасияның пазы Виктор Зимин республика чуртағҷыларынзар ӧрт сығарбас оңдайларға тудынарға сурыныснаң айланған. Республика пірее муниципальнай пӱдістерде ӧрттең тоғыр режимні 1 апрельдең кирген, тиксі Хакасияҷа ол режим 10 апрельдең тоғынып пастир.
Ӧрттең тоғыр режим пу туста ӧрттер удаа сығысчатханынаң палғалыстығ. Ӱр ниместе полған киректернің пірсі - Новоенисейка аал хыринда чазыдағы от кӧйгені, ол кӧп километрге тартыл парыбысхан. Ӧрттең тоғыр кӱрезіге чӱзерлеп кізі паза онарлап техника тартылған. Ӧртті тохтадып алғаннар, аал хайтпаан.
- Мин айланчам республика чуртағҷыларынзар, хабар таратчаң средстволарзар, муниципальнай пӱдістерзер, - теен регион устағҷызы. - Піске кӱстеністерні піріктірерге паза оларны иң пурун ӧрттернің профилактиказына кӧстирге кирек. Хакасия чахсы пілче, нимедір улуғ ӧрт, ікі чыл мының алнында піс кізілерні, ис-пайны, малларны, ас сығызын чідір салғабыс... Чӱзерлеп миллион салковай паза улуғ кӱс хорат салғабыс ол чобағның салтарларын чох идеріне. Полған на кізінің хайиин пу сурыға тартып аларға кирек.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде