ИҢ ЧАХСЫ ОПЕРАТОР ТАБЫЛДЫ
28.04.2017
Хабарлар
Пу кӱннерде Россия почтазының Ағбандағы Хакас филиалында «Почта палғалызының иң чахсы операторы-2017» республика марии ирткен. Анда Ағбандағы, Пиидегі паза Ширадағы почтамттарның алты операторы араласхан.
Марығҷылар пурнада постарынаңар чоохтааннар, анаң «Наа тоғынҷыны істенҷең орынға кӧніктірері» темаа проект кӧзіткеннер паза почта операторларының тоғызына теелчеткен тесттегі сурығларға нандырғаннар. Марығның халғанҷы чардығында операторлар постарын тоғыста хайди тудынчатханнарын, клиенттернең хайди чоохтасчатханнарын кӧзіткеннер.
Пу мероприятиенің ӧӧн пӧгіні - почта операторының тоғызын сабландырып, пу профессияа чииттерні тартары.
Бондаревтегі почтаның операторы Нина Сергеевна Сюзева, узын паза пілізін кӧзідіп, «Почта палғалызының иң чахсы операторы-2017» марығның чиңісчізі полыбысхан. Амды ол Кемеров городта Сибирьдегі федеральнай округ синінде иртер марығда Хакасия ӱчӱн турызар. Республика синінде ирткен марығда ікінҷі орынны Асхыстағы почтаның (Пиидегі почтамт) операторы Анжела Межулева алған, ӱзінҷі орынға Ағбандағы почтаның 18 № пӧлиинің операторы Екатерина Васюнина турысхан.
Автор :
Татьяна ТЮТЮБЕЕВА
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде