"АЛТЫН КӦӦК" ХЫЗЫЛЧАРДАҒЫЛАРНЫ АПТАДЫ
20.03.2018
Хабарлар
Культура. Хакасияның артисттері - Хызылчарда
Хызылчардағы филармонияда 15 мартта улуғ концерт иртті. Хакасияның «Кӱн сузы» паза «Ӱлгер» ансамбльлары «Алтын кӧӧк» хай-балетті кӧзіткеннер.
Концерттің ікінҷі пӧлиинде «Ӱлгер» ансамбльның араласчылары, хакас ыр-кӧглерін толдырып, кӧрігҷілернің чӱреен хайылдырғаннар. Хызылчардағылар пістің чайаачы устарыбысты чылығ удурлааннар. Концертнең пазох килерге сурынғаннар.
Чоохтирға кирек, «Алтын кӧӧк» хай-балеттің премьеразы 2014 чылда октябрьда ирткен. «Кӱн сузы» ансамбльның устағҷызы Наталья Апуневич аны хакас чонның кип-чоохтарына тӧстеніп турғысхан. Тӧрт чыл аразына хакас чайаачылары хай-балетті 30 артиинаң хати ойнабызарға маңнанғаннар, ол санда Италиядағы Бари паза Венеция городтарда. Ідӧк 2016 чылда артисттер «Алтын кӧӧкті» Канныда кӧзіткеннер. Пістің чонның кӧглері паза теелбектері Европадағыларның сағыстарында хаҷан даа халған. Амды пістің артисттерібістің узына хызылчардағылар аптаттырчалар.
Автор :
Марина ГРИБКОВА
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде