ЧАЛ АХЧАЗЫН ӦСКІРЕРІ УЗАРАДЫЛАР
22.01.2019
Хабарлар
Россия президентінің бюджет тоғынӌыларына чал ахчазын ӧскірерінҷе «майдағы» чахығларын толдырары узарадылча.
2018 чылда республикада істеніс парызының ортымах сині 7,6 % хозылған (2017 чылда - 3,9 %). Пис чыл аразына ӱгретчілернің, ученайларның, культурадағы, имнег киреендегі паза социальнай тоғынӌыларның ортымах чал ахчазы кӧместең ӧскен. 2018 чылға имӌілернің, ученайларның ол 62 муң салковайға чит парған, пасхазыни - 31 муң салковайға. Чал ахчазын ӧскірері 20 муң азыра кізее теелген.
Мыннаң мындар пу тоғынӌыларның чал ахчазы региондағы ортымах чал ахчазы чіли ӧзер. Іди пӱӱл республикада ортымах чал ахчазы 32435,9 салковайға тиңнелері кӧрілче. Ағаа республика бюджедінде 219 миллион салковай кӧріл парған.
Автор :
"Хабар"
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде