ӦДІСТЕР СУРИИН ПӦГЕРІ - КОМИССИЯ ХАЙИИНДА
14.05.2019
Хабарлар
Салтарлар. ЖКХ паза энергетика сурығларынӌа федеральнай комиссия тоғызының пастағы салтарлары иділді.
Россия президентінің Сибирьдегі федеральнай округтағы полномочиеліг кізізі Сергей Меняйлоның чахиинҷа Хакасияда ЖКХ паза энергетика сурығларын пӧгерінҷе комиссия тӧстелген. Андар кирілгеннер федеральнай правительство эксперттері паза Алтай, Хызылчар крайларының специалисттері.
Сілкер айының 7-ӌі кӱнінде Россия президентінің Сибирьдегі федеральнай округтағы полномочиеліг кізізінің орынҷызы Вадим Головконың паза Хакасия пазы Валентин Коноваловтың устаанынаң ирткен чыылығда комиссия тоғызының пастағы салтарлары иділген. Тиксі ӧменің араласчылары пааларны сыныхтағда тударын, коммунальнай хоных предприятиелерінің тоғызын паза чылығ пирңең наа тусха тимненістің сидік сурығларын тирең ӱзӱргеннер. Комиссия сын паза льготалығ пааларның пасхалалчатханын алынҷа хайыға алған. Хакасияда чарытхы паа тоғынчатхан закон хоостыра паза коммунальнай хоных организацияларының чӧптерінҷе турғызылған. Эксперттер кӧрізінең, аны сала тирең кӧрерге киректелче. Аннаң пасха, чыылығ араласчылары республикада пос алынҷа тоғынар наа органны - пааларҷа комитетті - тӧстирінең чарасханнар. Ол тоғызын 30 апрельде пастабысхан.
Чыылығның паза пір танығлығ сурии - чурт-коммунальнай хоных предприятиелерінің хорғыс чох паза чахсы тоғызы. Улуғ хорадығларны чылығ пирҷең хоных киректепче, нинҷе-де чыл ЖКХ-ға пілдірте ахча позыдылбааннаңар, аның 50% изелче. Комиссия кізілері муниципальнай пӱдістернің устағҷыларына чурт-коммунальнай хоныхтың сурығларын пӧгерінде сала ӧткін аралазарға паза нандырығдаң оортах полбасха киректелчеткенін таныхтааннар. Амғы туста республикадағы коммунальнай предприятиелер тоғызы сыныхталча. Сілкер айының 15-ҷі кӱніне теере ЖКХ-дағы паза энергетикадағы сидік сурығларны пӧкчең оңдайлар кӧріл парар паза тимде полар.
Автор :
Хакасия пазыныв администрациязы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде