МАХАЛЫҒ МИКЕЛЕРНІҢ АЙМАҒЫ
28.12.2016
Хабарлар
Нaa чыл алнындағы тынағ кӱннерінде Ағбанда Иван Ярыгиннің адынаң Кӱрес туразында РСФСР-ның паза СССР-ның саблығ тренері Владимир Ильич Чарковтың хумартхызына чарыдылған регионнар аразындағы турнир ирткен. Анда аралазарға кӱресчі хыстар паза ооллар кӧп чыылысханнар. Прай 4 регион саналған, арға-мӧрійде 9 команда араласхан.
Чиит кӱресчілер 17 - 19 частығ полғаннар. Мында иң пастағы сурығлар постары сых килчелер: нинҷе кӱресчі килді паза чахсы, саблығ спортсменнер пар ба? Пастағы сурыға нандырығ: ооллар паза хыстар саны 194 полған. Паза сабланып пастабысханнар санында Хызылчардаң килген Ханум Велиеваны адирға чарир - чииттер аразында тилекейнің ікі хати чемпионы.
Ікі кӱн аразына хайдағ махалығ микелер кӧрдібіс, пістің оол-хыстарыбысты чиңіске матап кӧӧктіргебіс. Сағыста халған тоғазығ полғанох. Хызылчардаң килген спорт узына кандидат Нуртилек Эрмекбаев, Новосибирсктең килген Владислав Проньнаң хабыза халғанда, тоғазығның пастағы чардығындох «ыырҷызын» ікі хати иң пӧзік 4 санға силген, оңнығ ла ізестіг хайынмаан. Иртіре хылынғаны ағаа харығ полған - позы сас ойда тастатхан, пастағы разрядтығ оолға утыр салған. Анзына хайди ачырғанмас.
Кӧрігҷілернің улуғ хомзынызына, чир-суғҷыларыбыс санынаң пір ле оол чиңіс тутхан. Прайзыбыс таа Алексей Килижековха ізенген полғабыс, хайди сіліг паза ізестіг харбасчатханын хынып кӧргебіс. Че алыптаң артых алып табыладыр. Азах меетке сығар тоғазығда Алексей Тувадаң килген Сергек Кууларға утыр салған. Олох арада Сергек Кууларны азах меетте кибіс ээзі полчатхан Роман Сагалаков оой ла утып алған, алтын медальның ээзі полыбысхан.
Хыстар аразында, тилекейнің ікі хати чемпионы Ханум Велиевадаң пасха, пістің чир-суғҷыбыс Мария Тюмерекова, Кемеровтаң килген Дарья Хвостова ідӧк чоннар аразындағы килкім марығ-турнирлернің чиңісчілері нооза. Пасхазы даа уғаа чахсы кӱресчі, кӧп арға-мӧрійлерде араласхан, сыйыхтығ орыннарға сыххан. Мында даа уғаа маңат тимненіс кӧзіт турғаннар.
Амды постарының кӧдірімнерінде сыйыхтығ орыннар алған кӱресчілернең таныстырчабыс. Чӱрекке сала истіг полар ӱчӱн, хыстардаң пастапчабыс:
44 кг -
1 орын - Анжелика Фёдорова,
2 орын - Вера Тадазакова,
3 орын - Екатерина Тугужекова паза Валерия Чистобаева (прайзы Хакасиядаң);
48 кг -
1 орын - Мария Тюмерекова (Хакасия),
2 орын - Дарья Хвостова (Кемеров),
3 орын - Яна Липовая (Хызылчар крайы) паза Алина Проскурина (Новосибирск облазы);
51 кг -
1 орын -Алёна Асочакова,
2 орын - Карина Барашкова (ікізі Хакасиядаң),
3 орын - Шоира Раджабова (Хызылчар крайы) паза Валерия Четверик (Хакасия);
55 кг -
1 орын - Ксения Малюкова (Хакасия),
2 орын - Екатерина Орлицкая (Хызылчар крайы),
3 орын - Сабрина Чебодаева паза Камила Боргоякова (Хакасия);
59 кг -
1 орын - Наталья Волжанина,
2 орын -Надежда Спицына (ікізі Кемеровтаң),
3 орын - Кристина Чевгаева (Хызылчар крайы) паза Кристина Уливадова (Хакасия).
63 кг -
1 орын - Марина Матюшина,
2 орын - Татьяна Мочилова,
3 орын - Яна Яструбенская (прайзы Хызылчар крайынаң) паза Людмила Бабакова (Хакасия);
67 кг -
1 орын - Ханум Велиева (Хызылчар крайы),
2 орын - Элмира Халаева (Кемеров),
3 орын - Анна Шампурова (Хакасия);
72 кг -
1 орын - Кристина Шумова (Хызылчар крайы),
2 орын - Елизавета Вихарева,
3 орын - Софья Вихарева (ікізі Хакасиядаң).
Ооллар.
50 кг -
1 орын - Роман Сагалаков (Хакасия),
2 орын - Сергек Куулар (Тува),
3 орын - Алексей Килижеков (Хакасия) паза Батыр Тагба (Тува);
55 кг -
1 орын - Амир Чамзын (Тува),
2 орын - Кежик Монгуш (Тува),
3 орын - Роман Лазарев (Кемеров) паза Туметей Метке (Тува);
60 кг -
1 орын - Сайын Казырык (Тува),
2 орын - Роберт Манасян (Хызылчар крайы),
3 орын - Бадый Нурзат (Тува) паза Юрий Васильев (Хызылчар крайы);
66 кг -
1 орын - Руслан Жендаев (Хызылчар крайы),
2 орын - Усман Шахгириев (Хызылчар крайы),
3 орын - Буян-Даш паза Ринчен Монгуш (Тува);
74 кг -
1 орын -Байыр Ондар (Хызылчар крайы),
2 орын - Константин Пшеничников (Кемеров),
3 орын - Кирилл Корнеев паза Алексей Баздырев (Кемеров);
84 кг -
1 орын - Эмир Матуев,
2 орын - Кирилл Шкредов,
3 орын -Сергей Соловьев (прайзы Хызылчар крайынаң) паза Иван Туниеков (Хакасия);
96 кг -
1 орын - Владимир Калашников (Кемеров),
2 орын - Константин Бочаров (Хызылчар крайы),
3 орын - Алексей Федоровский (Хакасия) паза Эрик Джиоев (Хызылчар крайы);
120 кг -
1 орын - Егор Зубков (Кемеров),
2 орын - Андрей Богданов (Хызылчар крайы),
3 орын - Павел Плотников (Хакасия).
Автор :
Анатолий СУЛТРЕКОВ
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 31 | 1 | 2 | 3 | 4 |
Кӱн таңмазы
Хакасияда
Россияда
Тилекейде