ВАЛЕНТИН КОНОВАЛОВ: «СІРЕР - ХАКАСИЯНЫҢ ПОҒДАРХАЗЫ»
12.03.2019
Хабарлар
Тоғазығ. Ипчілернің чоннар аразындағы кӱні алнында, 7 мартта, Хакасия пазы Валентин Коновалов кӱстенӌік паза пӧзік чидіглерге читкен ипчілернең тоғасхан.
Хакасия правительство туразының чыылығлар залында стол кистінде чазан салған ипчілер одырғаннар. 14 ипчінің полғаны ла пос чидиинең, хайхастығ кӱзінең паза сыдамах хылиинаң пасхалалча. Республика пазы оларның чуртас чолынаң паза чидіглерінең танызып алған паза алғызын читірген.
- Сірернің полғанының на пос чуртас чолы паза халых чон алнында чидіглерің пар, ол санда постарың алнындағы. Сірер осхас кізілер - республиканың поғдархазы. Алғыстапчам сірерні 8 Мартнаң - Ипчілернің чоннар аразындағы кӱнінең! Сірерге пик хазых, чахсы чуртас, наа чидіглер алғапчам. Часкалығ паза хыныстығ полыңар, - теен Валентин Олегович.
Татьяна Семёнова - кинек, че анзы ағаа спортнаң маңнаныстығ айғазарға харығ полбинча. Татьяна Вениаминовна кинектер аразында саналығ чарызарынҷа Россияның чемпионы сигіс хати полған. Слаломҷа паза слалом-гигантча Камчатканың паза Ыраххы Востоктың Кубогын холға кирген. Россияның піріктірілген командазына кіріп, Норвегиядағы Паралимп ойыннарында араласхан. Ағаа хоза, ол парапланнаң паза дельталётнаң учуғарға ӱгреніп алған.
Светлана Шутылева - 13 палалығ іҷе. Марина Василькина Харатастағы разрезте 220 тонна таарлағ самосвал водительі полча.
Анна Штанг Ӧӧк пилтіріндегі аал хонии предприятиелерінде кӧп чыл зоотехник полып істен салған. Хой ӧскіреріне 60 азыра чыл пир салған ууҷа ам даа аал хонии паза аал тилізінеңер сағыссырапча. Анна Сергеевна Хакасия алнындағы чахсы киректері ӱчӱн орденге турысхан.
Паза пір ветеран - Мария Данилина. Мария Александровна 35 чыл азыра пӱдірігде істен салған. Анын кӱстенізінең Ағбанда драма паза кӧклӧлер театрлары, радио туразы, «Ағбан» аэропорт паза пасха пӱдіріглер турғызылғаннар. Галина Саукина Хакасияҷа МВД-да ахча читірерінҷе кін пастығы, істіндегі киректер полковнигі полча.
Чииттер дее пос чирінеңер, культуразынаңар, ӧсчеткен тӧлдеңер сағыссырапчалар. Оларның санында Марина Мамышева паза Антонида Тюльберова. Марина «Алтыр» мода театрының устағҷызы паза модельер полча. Театр хакас ипчілернің кип-азаан тиксі Россияда паза пасха хазналарда сабландырча. Халғанҷызын абахайлар Хызылчарда ирткен Республикада 2019 чылда чонға тоғыс тапчаң службада санға алылған тоғыс чох 3690 кізее пособие тӧлелче. Ол санда 1756 кізі иң асхынах синніг пособие алча, аның сині 1950 салковайға тиңнелче, 1494 кізі - иң пӧзік синніг пособие, хайзының сині 10400 салковай полча. Пенсия ахчазы 146 кізее азынада тӧлелче. Материальнай полызығ пу чылда 24 кізее пирілген. Санға алылған тоғыс чох 74 ӧкіс кізі пособие алча - 48428 салковай, хайзы региондағы ортымах чал ахчазына тиңнелче.
Универсиадада республиканың культура ис-пайын кӧзіткеннер. Марина республика пазының хада хонғанына хакас кип-азахтығ кӧклӧні читір пирген. Антонида, тізең, «Ӱлгер» ансамбльның араласчызы полча, ідӧк хакас фольклорын паза диалекттерін істесче.
Анна Борисова республиканың чиит ӱгретчілерінің ассоциациязынаң устапча. Пу чағында чиит ӱгретчілер фестивальын иртірерге тимненче. Ол Хакасия пазын фестиваль тузында ӱгретчілернең тоғазарға сурынған. Валентин Олегович сурынысха чӧпсінген паза тоғазыға ӱгредіг паза наука министрін тартарға молҷаан.
Тоғазыға ідӧк пӧзік чидігліг спортсменнер хығыртылғаннар: Инга Карамчакова - кӱресче Россияның саблығ спорт узы, Россияның тӧрт хати чемпионы, Европаның ікі хати паза тилекейнің чемпионы; Татьяна Зырянова - хурлығ кӱресче саблығ спорт узы, Тилекей Универсиадазының чиңісчізі, тилекейнің тӧрт хати чемпионы, Россия чемпионадының паза Кубогының кӧп хати чиңісчізі полған; Даниела Колесник - пауэрлифтингче чоннар аразындағы спорт узы, Россия первенствозының 15 хати чиңісчізі, Россияның паза Европаның чиңісчізі, Тилекей первенствозының тоғыс хати чиңісчізі.
Республикада кӧп аймах чон чуртапчатханда, прай нацияларға тин хайығ айландырылча. Ипчілер кӱнінде дее анзы санға алылған. Тоғазыға Хакас чирінде 30 азыра чыл чуртап париған Махфират Насруллаева хығыртылған. Таджик ипчі Хакасиязар пір хыстығ ла кӧскен, амды аның 5 пала паза 13 парха. Ол таджиктернің паза узбектернің «Согдиана» пірігізінің кнес орынҷызы полча. Пірігістегілер аймах ӱлӱкӱннерде тӧреміл араласчалар, ол санда хакас чоннаң хада Чыл пазында Наврузты таныхтапчалар. Ӱлӱкӱннернің ӧӧн сағызы тӧӧй нооза: ікізі часхыда кӱн хараанаң тиңнес парчатханынаң палғалыстығ.
Хайди кӧрчебіс, тоғазығда Хакасияның турыстығ ипчілері араласханнар. Валентин Олегович оларнын сурыныстарын истіп алған. Марина Мамышеваның кӧрізінең, Хакасияа премиум синіндегі сувенирлерні тимнирге кирек, республиканы пӧзік синде кӧзідер ӱчӱн. Пу сағысты чуртасха кирерге ол позы даа хозыларға тимде. Анна Штанг аал хониина хабазығны ӧскірҷең оңдайлардаңар сурған. Республика пазының нандыриинаң, сидіксіністер пар даа полза, чылдаң чылға хабазыға ахча сині ӧскірілер. Ӧӧн кӧстег кооперациялар тӧстиріне полар.
Тоғазығны тоозып, Валентин Олегович ипчілерні тоғазыға тус тапханнары ӱчӱн алғыстаан. Прайзына тюльпаннар букеді паза сыйыхтар читірілген. Анаң ипчілер Хакасия пазынаң хада сомға суурынғаннар. Мына мындағ чапсых сыйых тимнелген Хакасияның хайхастығ ипчілеріне.
Автор :
Наталья СУБРАКОВА
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде