ЧИИТТЕРГЕ ТЕЕЛЧЕТКЕН СУРЫҒЛАР ПІРГЕ ПӦГІЛЕР
09.04.2019
Хабарлар
Хакасияның Москвадағы представительствозында регион правительствозы паза «Россияның чииттер чӧбі» тиксі Россияның халых пірігізі хада тоғынардаңар чоптезігде хол салғаннар.
Чӧптезіг хоостыра олар Хакасияның чииттеріне социальнай сурығларҷа, культура паза ӱгредіг саринаң полызығ пирерге киректер. Чӧптезіг араласчылары, чииттерні прай саринаң тилідіп, оларның праваларын арачылирға тимделер.
- Россияның чииттер чӧбінең пірге тоғынғаны - пістің республикаа улуғ хозым. Хакасия правиғельствозы тиксі Россияның халых пірігізінің региондағы пӧлиине прай саринаң полызарға тимде, - таныхтаан Хакасия пазы Валентин Коновалов. - Пу чӧптезіг аннаң андар тӱзімніг тоғынарына пастағы хаалағлар тіп сағынчам.
Таныхтирға кирек, чӧптезіг араласчылары алылған план, программалар хоостыра хада тоғынарлар. Оларның пӧгіні - чир-сууна хынысты тыыдары, чииттерге тоғыс суриин пӧгерге полызары, туризмні тилідері паза даа пасхазы. Ағаа хоза, Россияның чииттер чӧбінің араласчыларын республиканың халых паза эксперттер чӧбінзер кирері кӧрілче.
Хакасия Россияның чииттер чӧбі проекттерінің ӧткін араласчызы полча. Ол проекттер санында «Россиядағы студенттернің часхызы», «Патриот паза гражданин», «Зарница», «РСМ ӧмезі», «Чыл студенті» паза даа пасха мероприятиелер.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
27 | 28 | 29 | 30 | 31 | 1 | 2 |
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 29 | 30 |
Кӱн таңмазы
Хакасияда
Россияда
Тилекейде