ПІЧІКТЕРНІ КӦР САЛАР ТУС УЗАРАДЫЛҒАН
10.04.2019
Хабарлар
Проект. Россия правительствозы радиология корпузын пӱдірер сурығҷа Хакасияа удур парча. Россия правительствозы Хакасияда радиология корпузын пӱдірерінҷе проект пічіктерін чарат салар тусты 31 майға теере узарадыбысхан.
Іди проект пічіктерін кӧр салар тусты нинҷе-де регионға узарат салғаннар. Ол санда Саратов облазы паза Хабаровск крайы полчалар. Пу регионнарда ідӧк национальнай проекттерҷе имнег учреждениелерін пӱдірерінҷе аймах-пасха сидіксіністер сығыс килген. Кӧзідімге, Саратовта ідӧк онкология корпузы пӱдіриинҷе сидіксініс пар.
- Радиология корпузы - ол уғаа сидік пӱдіріг. Аның пӱдіриинде кӧп техническай оңдайға тудынарға киректелче. Аннаңар Россияның нинҷе-де субъектінде федеральнай эксперттер проект-смета пічіктерінҷе сурығлар кӧдіргеннер, - теен Хакасияның пӱдіріг паза ЖКХ министрі Илья Кононенко.
Амды Москвада Главгосэкспертизада хатап пиріл парған проект-смета пічіктері кӧрілче. Хакасия пазы Валентин Коноваловтың чахиинаң республика правительствозында кӱннің сай чыылығ иртірілче. Анда Хакасияның пӱдіріг паза ЖКХ министерствозы радиология корпузының проектінҷе федеральнай кіннең апарылчатхан чӧптезіглердеңер сыбыра искірче.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
27 | 28 | 29 | 30 | 31 | 1 | 2 |
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 29 | 30 |
Кӱн таңмазы