COVID-19 АМ ДАА ЧУХЧА
01.09.2020
Хабарлар
Кӱн сурии. Орғах айының 31-ҷі кӱніне Хакасияда коронавирусты хаптырған 3415 кізі санға алылған. Оларның 3105-зі хазыхтанып алған
Хакасия правительствозындағы оперативнай штаб искіриинең, орғах айының 31-ҷі кӱніне имҷілер хайиинда 571 кізі саналча, ол санда 16 кізі - обсерваторда, 271 кізі коронавирустаң имненче (22 кізі аар ағырча, 3 кізі ӧкпелерге кии тартынарға полысчаң тирігнең тынча).
31 августта 7 кізі ОРВИ-наң имнег туразынзар айланғанда, коронавирус ілезіне сығысхан, ӱс кізі - пневмониянаң. Ағырығны республикадағы имнег тураларында, тоғыс пастыра паза сӧбіреде 6 кізі чухтырған. Ідӧк имнег-профилактика учреждениелерін план хоостыра сыныхтаанда, 2 кізі ілезіне сығысхан, пасха регионнардаң 1 кізі ағырығ килген (Сочидең).
Кӱннер хоостыра кӧрзе, 26 августта 18 кізі ағырыбысхан, 27 августта - 19 кізі, 28 августта - 17, 29 августта - 17, 30 августта - 17, 31 августта - 19. Ол кӱннерде имненіп алғаннарның санын кӧрзе, 26 августта 31 кізі оңдайланып алған, 27 августта - 17 кізі, 30 августта - 2, 31 августта имненіп алған кізі чоғыл.
Коронавируснаң палғалыстығ искіріг толдыразынаң пирілче региондағы сайтта: стопкоронавирус.хакасия.рф.
Автор :
Наталья ТЮКПЕЕВА
Пн | Вт | Ср | Чт | Пт | Сб | Вс |
31 | 1 | 2 | 3 | 4 | 5 | 6 |
7 | 8 | 9 | 10 | 11 | 12 | 13 |
14 | 15 | 16 | 17 | 18 | 19 | 20 |
21 | 22 | 23 | 24 | 25 | 26 | 27 |
28 | 29 | 30 | 1 | 2 | 3 | 4 |
Кӱн таңмазы
Хакасияда
Россияда
Тилекейде