ЧОНЫБЫС ӰЧӰН ТУРЫЗАРҒА
15.03.2017
Хабарлар
Ағбан городтағы хакас родтарының Улуғлар чӧбі 2016 чылда 23 мартта тӧстелген. Андар городтағы істеніс коллективтерінең, халых пірігістерінең паза хазна учреждениелерінең табылған кізілер кірчелер.
Конференция иртіріп, городтағы Улуғлар чӧбі президиумын паза Улуғлар чӧбінің кнезін тапханнар. Президиумға 11 кізі табылған паза кнеске Виктор Яковлевич Чепчигашев турғызылған.
Ағбандағы Улуғлар чӧбі хакас чонның 13-ҷі съездін иртірерінде ӧткін араласхан. Городтаң съездке 200 делегат табылған. Съездте В.Я.Чепчигашевті хакас родтарының Улуғлар чӧбінің кнес орынҷызына тапханнар. Съезд соонда городтағы Улуғлар чӧбі съездте алылған чарадығлар хоостыра тоғынып пастаан. Пір чыл аразына президиум 11 чыылығ иртірген. Ӧӧн тоғыстарның аразында республикада хакас тілін тилідері, хазых оңдайлығ чуртас апарарға, чир-суубысха хынарға, «Посты улуғлир киктесті» чииттер аразында тарадарға паза пасха даа сурығлар. Пӱӱл Россияда Экология чылы чарлалған, аннаңар піске чир-чайаанны арачылир тоғыстарны апарарға кирек полча.
Городтағы Улуғлар халыхтар чуртазынаң хыйа турбинча. Кемнің хайдағ-да сурығ полза, алай пос чонына полыс пирерге сағынча, піссер айланзын. Піс Ағбанда Ленин проспектіндегі 63 № турада, хайда Хакасияның Чайаачылар туразы, орныхчабыс.
Автор :
Виктор ЧЕПЧИГАШЕВ, Ағбаңдағы Улуғлар чӧбінің кнезі
Пн | Вт | Ср | Чт | Пт | Сб | Вс |
26 | 27 | 28 | 29 | 30 | 1 | 2 |
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 29 | 30 |
31 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде