РЕСПУБЛИКАНЫҢ ЭКОНОМИКА СУРЫҒЛАРЫ ӰЗӰРІЛГЕН
26.05.2017
Хабарлар
Хакасияның пазы Виктор Зимин паза Ӧӧркі Чӧп кнезі Владимир Штыгашев Россияның Федерация Чӧбінің кнезі Валентина Матвиенконаң тоғасханнар.
Виктор Зимин Федерация Чӧбінің устағҷызына Хакасиядағы чуртас-экономика киректерінеңер, ідӧк республика пу чылның пастағы чардығын хайдағ кӧзідімнернең тоосчатханнаңар толдыразынаң искірген.
- Республика амды промышленность ӧзізінҷе хазнада читінҷі орында парча, тӧреміл амыр чуртас хоостыра ол Россияның пастағы пис субъекті санына кірче, - чоохтаан Виктор Зимин.
Регион пазының чооғынаң, пу чылның салтарларынҷа промышленность ӧзізінің индексі 25 процентке ӧс парары кӧрілче. Хакасия экономиказының тилир ӧӧн кӧстеглері аразында Виктор Зимин хара тас анирын, гидроэнергетиканы, металлургия промышленнозын, аннаң андар электролит тимір марганец сығарарын адаан.
Хакасияның Ӧӧркі Чӧп кнезі Владимир Штыгашев Хакасияның пазы Виктор Зимин Федерация Чӧбінің кнезі Валентина Матвиенконаң 22 майда Федеральнай Чыылығның ӧӧркі палатазында ирткен тоғазығның салтарларынаңар позының кӧрізін искірген.
Владимир Штыгашевтің чооғынаң, анда республикадағы чуртас-экономика киректерінеңер паза регионны тилідер оңдайлардаңар чоох парған. Олар ідӧк бюджеттер аразындағы палғалыстарны ӱзӱргеннер, ахчаны сын оңдайнаң улестірер система тостирдеңер чӧптескеннер. Владимир Штыгашев тоғазығ уғаа тузалығ ирткенін таныхтаан: «Пу сурығда піс чахсы піліскебіс, ол сурығны Россияның президент дее сыбыра кӧдірче, ол аның чахығларына киріл парған. Ідӧк пу сурығ парламенттегі узӱріглерде кӧп хати кӧрілген. Валентина Ивановна пу сурығда піске чӧпсінген, ол позы даа мындағ школаны ирткен: министр паза правительствоның вице-премьері, анаң нинҷе-де чыл Санкт-Петербургтың губернаторы полған. Хайдағ сидіксіністерге піс урунчатханыбысты ол чахсы пілче.
Регионда полған парыстығ налог-тарны федерацияа пирібіскенде, пол-номочиелернің чардығы, ағаа киректел-четкен ахчаны пирбин, регионнар си-ніне пирілгенде, халғанҷы алты чылда республикада ахча чидіспинібіскен. Ол сидіксіністіг сурығны чарадарға піске коммерческай банктардаң ахча алар-ға киліскен. Россияның финанстар ми-нистерствозы піске бюджет кредитте-рін уғаа асхынах пирчеткеніне Валентина Ивановна таңнап таа парған: піске андағ льготалығ кредиттер пирілбинче дее, итсе, андағ субъекттернің ӱлӱзі 40-50 процент поларға кирек. Аннаңар ол піске ахчалығ полызығ пирер сурығны пӧгерінде полыс пирерге молҷаан».
Виктор Зимин паза Владимир Штыгашев республикада позының парыстығ базазын ӧскірерге, налогтар чыырын кӧдірерге, финанстар дисциплиназын тыыдарға тоғыс апарарбыс тіп ізендір-геннер.
Автор :
Тимнеен Николай СУЛТРЕКОВ
Пн | Вт | Ср | Чт | Пт | Сб | Вс |
26 | 27 | 28 | 29 | 30 | 1 | 2 |
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 29 | 30 |
31 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде