CУF-КӦЛ ХАЗЫ АРЫҒЛАЛАР
30.06.2017
Хабарлар
Волонтерлар суғлар паза кӧллер хастарын пос кӧңнінең арығлирында ӧткін араласчалар. Іди пу чағында оларның алныларында турчатхан пӧгіннернің пірсі Ким суғның хазын сӧп-саптаң арығлабызары полча. Анда прайзы даа пос кӧңнінең аралазар оңдайлығ.
- Чир-чайаан - пістің ис-пайыбыс. Суғ-кӧл хастарын умыстаң арығлааны улуғ туза ағылча. Аннаңар ол тоғысты, «Россия суу» чӧрім тузында ла нимес, тӧреміл иртір турарға кирек тіп санапчам, - чоохтап
ча Хакасияның чир-чайаан ис-пайы паза экология министрінің тоғызын толдырчатхан Юрий Соколов.
Пу чӧрімге Хакасия 2014 чылда хозылған. Іди 2016 чылда Ким суғ хазында ікі хати поғыр-похсах арығлалған. Анда ӧӧнінде волонтёрлар паза Кӧк хайа аалның чуртағҷылары араласханнар. Пастағҷы полған Хакасияның чир-чайаан ис-пайы паза экология министерствозы. Ідӧк пылтыр Ит кӧл хазында умыс арығлалған.
«Россия суу» чӧрім чыл сай 30 сентябрьға теере иртірілче. Анда чылдаң чылға кӧптең кӧп кізі араласча.
Автор :
Александра ШЛЫК
Пн | Вт | Ср | Чт | Пт | Сб | Вс |
26 | 27 | 28 | 29 | 30 | 1 | 2 |
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 29 | 30 |
31 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде