ӦРТТІ СЫҒАРБАС ПРАВИЛОЛАРҒА ТУДЫНЫҢАР
29.08.2017
Хабарлар
Чыл пасталғаннаң Ағбанда 95 ӧрт полған. Оларның ӧӧн чардығы кізілер чурттарында сыххан. Аннаңар чуртағҷыларға чурттарын ӧрттер сыхпас ӱчӱн сыныхтабызарға кирек.
Пӱӱнгі кӱнде ӧрттер сыхханының ӧӧн сылтаа кізілер пестернең паза электроприборларнаң салбыр тузаланғаны полча. Электроприборларны тоғындырчатса, электричество арачыланызы аппараттар тоғызын сыныхтабызыңар. Кӱстіг приборларнаң сетьтерні иртіре тоғындырбаңар. Заводтарда сығарылған чылытчаң электроприборларнаң тузаланыңар. Эмектерні, пірік парбазын тіп, сыныхтаңар. Сайбал парған эмектернең тузаланмаңар, пірге изоляция иділген эмектерні обойлар паза кибістер алтынҷа тартпаңар. Чаҷын абажурларнаң тузаланмаңар, чарытхыларны оой кӧйчеткен материаллар хыринда турғыспаңар.
Песті одынар алнында трубалар пӧзиин сыныхтабызыңар. Пестегі паза ыс сыхчатхан орындағы чіктерні ча-ғыбызыңар. Ыс сыхчатхан трубаларны паза песті хазартыбызыңар. Пес ізии алнындағы тимір лист чох полза, полда 0,5х0,7 метр тимір лист хазап салыңар. Ыс сыхчатхан чолларны ӱс айда пір хати арығлаңар. Пес одынылған соонда, кӱлні хорғыс чох орында тӧгіп, аны суғнаң чайыбызыңар. Узирға парар алнында, песті ікі час азынада одынарға тохтадыңар. Ідӧк палаңарны хайығ чох артыспаңар.
Автор :
Аркадий САГАЛАКОВ, Ағбанның паза Алтай аймааның ӧрттердең тоғыр сыныхтағ инспекторы
Пн | Вт | Ср | Чт | Пт | Сб | Вс |
25 | 26 | 27 | 28 | 29 | 30 | 1 |
2 | 3 | 4 | 5 | 6 | 7 | 8 |
9 | 10 | 11 | 12 | 13 | 14 | 15 |
16 | 17 | 18 | 19 | 20 | 21 | 22 |
23 | 24 | 25 | 26 | 27 | 28 | 29 |
30 | 31 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде