СИБЕР ИЛ - 2017
30.06.2017
Хабарлар
Хакасияның аарлығ чуртағҷылары паза аалҷылары!
«Тархын-культура ис-пайы - социокультура тилізінің ӧзені» - «Сибер Ил» чоннар аразындағы культура-турист форумы паза «Чир Чайаан» чоннар аразындағы кӧклӧ театрларының фестивальы азылчатханнарынаң сірерні алғыстапчам. Пу мероприятиелер, республиканың культура брендтері полып, Россияда паза хырығ озаринда сабланчалар.
«Сибер Ил» паза «Чир Чайаан» аймах чонға республикабысты хайхастығ, пос алынҷа кибірліг паза кӧп нациялығ регион чіли азарға полысчалар. Ол чахсы оңдай танызарға пай культура паза тархын ис-пайынаң, чир-чайаан сілиинең, кӱстіг промышленность оңдайларынаң паза аллығ чӱректіг кізілернең.
Форумның паза фестивальның полызиинаң Хакасия культурада паза экономикада хада-пірге тоғысты алғытча. Республика чуртағҷылары, тізең, таңнастығ кӧзідіглерні, иң чахсы ойыннарны паза операның тилекейдегі «чылтыстарын» сценада кӧріп алчалар.
Республиканың чуртағҷыларына ундулбас сағыстар алғапчам!
В.М.ЗИМИН, Хакасияның пазы -Хакасияның Правительство кнезі
Аарлығ арғыстар!
«Тархын-культура ис-пайы - социокультура тилізінің ӧзені» - «Сибер Ил» чоннар аразындағы VII культура-турист форумы азылчатханынаң сірерні алғыстапчам.
Пу чылларға форум араласчылары кӧп хынығ чӧптер пиргеннер: хазнабыстың алынҷа чирлерін тилідерінҷе, ідӧк чуртас-экономика программаларын паза проекттерін тимнирінде тархын-культура ис-пайының оңдайларынаң тузаланарынҷа. Хакасияның ӱлгӱлері ол сағыстарны чуртасха кирчеткені ӧріндірче.
Хакасияның туризмні тилітчең чахсы оңдайлары пар, ол кӧстегҷе тоғысты уламох айныдарға кирек. Форум араласчыларына тузалығ тоғыс, наа сағыстар паза чахсы чарадығлар алғапчам.
В.И. Толстой, Россия президентінің советнигі
Пн | Вт | Ср | Чт | Пт | Сб | Вс |
31 | 1 | 2 | 3 | 4 | 5 | 6 |
7 | 8 | 9 | 10 | 11 | 12 | 13 |
14 | 15 | 16 | 17 | 18 | 19 | 20 |
21 | 22 | 23 | 24 | 25 | 26 | 27 |
28 | 29 | 30 | 31 | 1 | 2 | 3 |
Кӱн таңмазы
Хакасияда
Россияда
Тилекейде