НАЛОГТАРНЫ - СЫН ОҢДАЙНАҢ
09.10.2019
Хабарлар
Федерация чӧбінде. Хакасияның Ӧӧркі Чӧп кнезі Владимир Штыгашев Россияның Федерация Чӧбінде федеральнай бюджет проектінҷе ирткен парламент ӱзӱріглеріңде пос кӧрізін искір пирген
Россияның Федерация Чӧбінде «2020 чылға паза пландағы 2021-2022 чылларға федеральнай бюджет проектінің оңдайларынаңар» сурығҷа парламент ӱзӱріглері ирткен. Россияның Федеральнай Чыылииның ӧӧркі палатазының устағҷызы Валентина Матвиенко апарған чыылығда Россия правительствозы кнезінің пастағы орынҷызы - Россияның финанстар министрі Антон Силуанов, Россияның Ӧӧн банкының, Сананыс палатазының кізілері паза ідӧк Россия Федерациязы субъекттерінін закон сығарҷаң паза толдырығлығ органнарының устағҷылары, наука паза эксперт пірігістерінің кізілері араласханнар.
Азых ӱзӱріглернің ӧӧн пӧгіннерінің пірсі - бюджет проектін ӱзӱріп, тузалығ чӧптерні чыыры паза санға алары.
Ахчанаң палғалыстығ ӧӧн законны прай хазнаа, чонға паза экономикаа туза ағылып, тоғынар иде тимнеп салар ӱчӱн.
Таныхтирға кирек, удаа кӧдірілчеткен сурығларның санында, хайзыларын регионнардаң килгеннер искіргеннер
- бюджеттер удур-тӧдір килістіре полбинчатханын мыннаң мындар хызырҷаң хоза оңдайлар киректелчеткені.
Чоох парған ол сидіксіністерні пӧкчең оңдайлардаңар: регионнарның постың парыстарын ӧскірердеңер паза ідӧк субъекттерге федеральнай хабазығ синін кӧдірердеңер.
Чӧптерні ідӧк кирген Хакасияның Ӧӧркі Чӧп кнезі Владимир Штыгашев. Пастағызы - 2020 чылға паза соондағы чылларға бюджет проектінде бюджеттерні тиңниріне паза оларны толдыр полар оңдайлығ идеріне пирілер дотациялар синін ікі хати ӧскірібізерге. Ікінҷізі - ӧкіс палаларға чурт пӱдіреріне субсидияларны 2-3 хати ӧскірібізерге.
Ӱзінҷізі - хара тас аныпчатхан компаниялар саринаң налог тӧлеглерінҷе сурығның узы-пазына сығарға.
- Пістiң хара тас компаниялары пар. Олар 30 миллионңа тонна хара тас аныпчалар.
Піс пу кӧзідімҷе Кузбасстын соонда ікінҷі регион полчабыс. Парысха налогтарны, тізең, пивзаводтаң даа асхынах тӧлепчелер. Олар аныпчалар паза прай ол хара тасты хырығ озаринзар сатчалар, токе олар айдағы осхас оймах-осхыллар артысчалар. Пӱӱн кӧп компания налогтарынан, иң ӧӧн налогтаң - парысха налогтаң, хыйа полча, - искірген Владимир Штыгашев позының чооғында.
Хайди таныхтаан Федеральнай Чыылығның Федерация Чӧбінің кнезі Валентина Матвиенко, ол чӧптер хайығ чох халбастар.
- Алғыс Сірерге чоох тутханыңар ӱчӱн. Федеральнай налог службазына ӧнетін чахығ пирілер - Хакас Республикада налогтарнаң ниме полчатханын ілезіне сығарарға. Сірер пирген искіріг сын полза, килістіре оңдайлар алылар. Сірер орта сурығлар кӧдiрчезер. Чарасчабыс, пістің чӧптерібісте олар кӧзіділ парарлар, - ӱзӱрігнің салтарларын идіп, таныхтаан Валентина Матвиенко.
Россияның Федерация Чӧбінің кнезі ӧкіс палаларға чурт пирерінҷе сидіксіністі чапчаң пӧгеріне системалығ оңдайлар табарға киректелче тіп сағыс-кӧріснең ідӧк чарасхан.
Автор :
Хакасияның Ӧӧркі Чӧбінің хабарлар пӧлии
Пн | Вт | Ср | Чт | Пт | Сб | Вс |
29 | 30 | 31 | 1 | 2 | 3 | 4 |
5 | 6 | 7 | 8 | 9 | 10 | 11 |
12 | 13 | 14 | 15 | 16 | 17 | 18 |
19 | 20 | 21 | 22 | 23 | 24 | 25 |
26 | 27 | 28 | 29 | 30 | 31 | 1 |
Кӱн таңмазы
Хакасияда
Россияда
Тилекейде