«ПІС ХАДАБЫС» КОНЦЕРТ КРЫМДАҒЫЛАРҒА ХАБАСЧАТХАНЫБЫСТЫ КӦЗІТКЕН
21.03.2017
Хабарлар
ИРТКЕН СУББОТАДА, 18 МАРТТА, АҒБАНДА ПАСТАҒЫ МАЙ ПЛОЩАДЬЫҢДА ЧОН ТЫҒЫРАМА ЧЫЫЛЫС ПАРҒАН. КӦБІЗІ КІЗІЛЕРНІҢ ХОЛЫНДА АЙМАХ ӦҢНІГ ШАРЛАР, ЧАЛАМАЛАР ПАЗА ТРАНСПАРАНТТАР ПОЛҒАН. ІДИ ХАКАСИЯ ЧУРТАҒҶЫЛАРЫ, РОССИЯ ПАЗА КРЫМ ПІРІККЕНІНІҢ ТЕЕСТЕГІ ЧЫЛЫНА ЧАРЫДЫЛҒАН МИТИНГ-КОНЦЕРТКЕ КИЛІП, КРЫМДАҒЫЛАРҒА ХАБАСЧАТХАННАРЫН ХАТИ КӦЗІТКЕННЕР.
ӰС ЧЫЛ МЫНЫҢ АЛНЫНДА КРЫМ РЕСПУБЛИКА ПАЗА СЕВАСТОПОЛЬ ГОРОД, РЕФЕРЕНДУМ ИРТІРІП, РОССИЯ ФҢДЕРАЦИЯЗЫНА ХОЗЫЛАРҒА ЧАРАДЫҒ АЛҒАННАР. АНДАДА РОССИЯ ЧУРТАҒҶЫЛАРЫ, КРЫМДАҒЫЛАРҒА ХАБАСЧАТХАННАРЫН КӦЗІДІП, ПОС ЧИРЛЕРІҢДЕ МИТИНГТЕР ИРТІРГЕННЕР. ОЛ ОҢДАЙ КӦМЕСТЕҢ КИБІРГЕ КІР ТЕЕ ПАРҒАН ТИИРГЕ ЧАРИР. ПРАЙ РЕГИОННАР ЧЫЛ САЙ РОССИЯ ПАЗА КРЫМ ПІРІККЕН КӰНДЕ, 18 МАРТТА, ПАЙРАМНЫҒ МЕРОПРИЯТИЕЛЕР ИРТІР СЫХХАННАР.
Хакасия пӱӱл «Піс хадабыс» митинг-концертті ідӧк алғым иртірді. Ӱлӱкӱнге чон кӧп чыылысхан. Республикадағы политическай партияларның, халых пірігістерінің, чииттер пірігістерінің кізілері чаламалар, шарлар паза плакаттар тудынып килгеннер. Пӱӱлгі митинг-концерт Н.Ф.Катановтың адынаң Хакас хазна университедінің, Хакас техническай институттың, Харатастағы техникумнарның студенттері кӱзінең тимнелген. Аны иртірерінде ідӧк республика филармониязының ырҷылары араласханнар.
Ӱлӱкӱнде Пастағы май площадьында толдыра патриотическай сарыннар истілген, чыылысхан кізілернің піреезі орындох плесет сал турған. Кізілернің кӧңні турчатхан кӱнге паза пайрамға килістіре полған - андағох ачых-чарых паза чылығ. Часхы нооза!
Автор :
Альберт ТОЛМАШОВ
Пн | Вт | Ср | Чт | Пт | Сб | Вс |
28 | 29 | 30 | 31 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 1 |
Кӱн таңмазы
Хакасияда
Россияда
Тилекейде