ПӰӰНГІ ӰЗӰРІГ КИРЕЧІЛЕЕН - ПӀС ОРТА ЧОЛДАБЫС
08.09.2017
Хабарлар
Хакасияның пазы Виктор Зимин Россияның Хазна чӧбі президиумы чыылииның салтарларынаңар сағыс-кӧрізінең ӱлескен.
Хазна чӧбінің президиумы 6 сентябрьда Приморскай крайда Іскеркі экономика форумының площадказында ирткен. Россия президенті Владимир Путин апарған президиум чыылииның ӧӧн сурии Ыраххы Востоктың чирлерін тилідері полған.
- Кӧп сурығ, хайзы Хазна чӧбі президиумының чыылиинда кӧдірілген, кӧнізінең Хакасияның экономика тилізінең палғалыстығ. Кӧзідімге, пӱӱн Транссибирскай магистральның паза БАМ-ның транспорт инфраструктуразының тилізі прай саринаң ӱзӱрілген. Республикаа анзы пістің продукцияны іскеркі саринзар тохтағ чох ызарға оңдай пирер. Хакасияда хара тас анирының ӧзізі чылдаң чылға миллионнар тоннанаң саналча, аннаңар ӧӧн тимір чол магистральлары хазна полызиинаң таарлағлар иртірҷең оңдайларын алғыдары пістің регионға уғаа кирек ниме.
Паза пір ӧӧн сари, хайзы хайдағ даа чирнің ізестіг тилізіне киректелче - ол кадрлар. Пу сурығ Ыраххы Востокта амды уғаа аар турча. Хакасияа ол ідӧк кирек сурығ. Че пістің сала чахсы арах, піс ирткен чылларда пу кӧстегҷе чахсы тоғыныбысхан сылтаанда, пістің амғы пӧгінібіс - ол чидіглерні хайраллап халары. Республикада тоғынчатхан чуртағҷыларның чарымы - ол чиит улус. Ол хаалағлар, хайзын піс чииттерге хоза хабазығ пирер кӧстегнең азынада иткебіс, чиит специалисттерні Хакасияда тут халар саринаң тӱзімніг полчатханын киречілепчелер. Чоох ӧӧнінде парча чиит сӧбірелерге паза чиит специалисттерге пос чуртын пӱдіреріне чир участоктарын тикке пирҷең республика программазынаңар. Пу чылның салтарларынҷа ла пирілген чир участоктарының тиксі саны 11 муңҷа полар. Пӱӱнгі ӱзӱріг пазох киречілеен піс орта чолҷа парчатханыбысты. Кадрларны хайраллиры паза поссар тартары -экономика тилізінің тӧстее, -таныхтаан Виктор Зимин, Хазна чӧбі президиумы чыылииның салтарларынаңар сағыс-кӧрізінең ӱлезіп.
Хакасияның пазы Виктор Зимин 2017 чылның майында Хазна чӧбі президиумының наа составынзар кирілген. Ол чарадығда Россия президенті Владимир Путин хол салған.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
28 | 29 | 30 | 31 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 1 |
Кӱн таңмазы