ӦӦН СУРЫҒЛАР ӰЗӰРІЛГЕН
25.01.2019
Хабарлар
Ӱлгӱ. Президенттің полномочиеліг кізізі Хакас Республиканың пазы Валентин Коноваловнаң тоғыс хоостыра тоғасхан.
Россия президентінің Сибирьдегі федеральнай округтағы полномочиеліг кізізі Сергей Меняйло 23 январьда Хакас Республиканың пазы Валентин Коноваловнаң тоғысчы тоғазиин иртірген. Тоғазығда ӱзӱрілген сурығлар санында Россия президентінің майдағы указтары, национальнай проекттер регионда хайди чуртасха кирілчеткені, республика правительствозын тӧстирінҷе тоғыс хайди парчатханы полған.
Полномочиеліг кізі Хакасия пазының регионда чуға чуртапчатхан чуртағҷыларға саннығ телевидение кӧреріне киректелчеткен оборудование садызып аларына хайдағ хабазығ пирілчеткенінеңер, школаларда наа орыннар тӧстирінҷе паза пір сменалығ ӱгредіге кірер кӧзідіглерге чидерінҷе регион программазы хайди толдырылчатханынаңар сан пирізін истіп алған.
Паза пір ағырсымнығ сурығ - льготалығ категорияларға кірчеткен пассажирлерні тарт чӧрчеткен автотранспорт предприятиелерінің хорадығларын айландырарына ахча сині хызырылғаны.
Ідӧк тоғазығда чурт-коммунальнай комплекс сидіксіністерін пӧгер паза кӱскӱ-хысхызын чылығ пирҷең тусты иртер сурығлар ӱзӱрілген. Чылығ пирҷең тус пасталғаннаң сығара 15 январьға теере коммунальнай сетьтерде 29 саай полғаны санға алылған, чурт-коммунальнай комплекс тиксі хайдағ оңдайда полғаны, кӧзідімге Харатаста, тың сағыссыратча.
Паза чоох парған коммунальнай сӧп-сапты чох итчең наа системаа кірердеңер. Валентин Коноваловтың чооғынаң, республика правительствозы амғы туста, чуртағҷыларның кирексіністері ӱчӱн турызып, региондағы операторнаң тоғынча - тариф тың пӧзік полбас ӱчӱн.
Сергей Меняйло бюджет сферазының тоғынҷыларына чал ахчазын, хазна устағҷызының указтары хоостыра, тузында паза толдыразынаң тӧлирге киректелчеткеніне хайығ айландырған паза бюджеттегі нимес тоғынҷыларға чал ахчазынҷа алымнар ӧзізі полбазына.
Автор :
Хакас пазының администрациязы
Пн | Вт | Ср | Чт | Пт | Сб | Вс |
26 | 27 | 28 | 29 | 30 | 31 | 1 |
2 | 3 | 4 | 5 | 6 | 7 | 8 |
9 | 10 | 11 | 12 | 13 | 14 | 15 |
16 | 17 | 18 | 19 | 20 | 21 | 22 |
23 | 24 | 25 | 26 | 27 | 28 | 29 |
30 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде