ПАСТАҒНАҢ СЫҒАРҒА ПАЗА ПОЛЫЗЫҒ СУРАРҒА
01.11.2019
Хабарлар
Ӧӧркі Чӧп сессиязы. Республика депутаттары теестегі сессияа чыылысханнар. Пу сессия Хакасия пазының орынҷыларын турғызарына чарадығ пирерінең, идінҷектер праволарын арачылирынҷа уполномоченнайны турғызарынаң паза федеральнай ӱлгӱлерзер ахча сурап айланарынаң танығлығ полған
************************************************************************************
|
|
**************************************************************************************
тиңниріне пирілҷең ахчалығ полызығ синін ӧскірердеңер чӧпнең сығарлар.
Паза Максимова бюджеттер аразындағы хайызығларҷа пір чапсых хабар парын таныхтаан - вице-премьер Антон Силуановтың искіриинең, федеральнай кін регионнарға кредиттерін бюджет кредиттеріне алыстырарға хати оңдай пирерге пӧгінче.
Владимир Штыгашев Надежда Максимоваа иділчеткен тоғыс ӱчӱн алғызын читірген паза пір кирекче хабас пирерге сурынған - Хакасияның Ӧӧркі Чӧбі Хазна Думазының кнезі Вячеслав Володинзер республикаа ахчалығ полызығ пирер сурығҷа айланарға пӧгінче.
МОСКВАДАҢ АХЧАЛЫҒ ПОЛЫЗЫҒ СУРАРҒА
Республика бюджедіне ахча табарынаң палғалыстығ сурығларны алынҷа чардыхха кир саларға чарир. Пастап депутаттар Хакасия пазының чӧбін ӱзӱргеннер - Хазна Думазынзар закон сығарҷаң пастағнаң сығардаңар. Чоох парча Бюджет кодексінің 50 паза 56 статьяларынзар алызығлар кирердеңер. Ол алызығларча чир алтындағы ис-пайны аныпчатханы ӱчӱн налогты (НДПИ) толдыразынаң, 100 %-ке, регионнарның бюджедінзер тӧлеп турары кӧрілче. Пӱӱнгі кӱнде НДПИ-ның 60 %-і регионнарның бюджеттерінзер тӧлелче, 40 %-і - федеральнай бюджетсер. Алызығлар киріл парғаны республика бюджедіне чылда 630 миллионҷа салковай хоза ахча пирер тіп таныхтаан Хакасияның финанстар министрі Ирина Войнова, регион устағҷызының чӧбінең таныстырып.
Пу чӧп Ӧӧркі Чӧп президиумынзар азынадох кирілген, аннаңар федеральнай закон проекті тимде полған. Депутаттар Хазна Думазынзар закон сығарҷаң пастағнаң сығардаңар чарадығны пір ӱннең алыбысханнар. Че мында пазох сурығ турыбысхан - кем Хазна Думазын ол закон проектінең таныстырар? Владимир Штыгашев пазох ла Надежда Максимовазар айланған. Хакасияның финанстар министрі Ирина Войнова Максимованы ізендірген - Россия правительствозы пу сурығҷа удур парарға тимде.
Паза пір улуғ сурығ полған - Хакасияның Ӧӧркі Чӧбінің Хазна Думазының кнезі Вячеслав Володинзер республикаа ахчалығ полызығ пирердеңер айланызы. Итсе, хайди таныхтаан Владимир Штыгашев, ол айланыста чоох парча чуға чуртапчатхан прай регионнарға хабазығ пирердеңер.
- Минзер, Федерация Чӧбінде чоох тутханым соонаң, 48 субъекттең айланғаннар, - чарытхан Штыгашев. - Андағ айланыстар ам даа кірчелер. Мин оларға чоохтаам - пістің сессия 30 октябрьда иртер, анда піс ол айланысты чарадыға аларбыс. Пу айланыста Россия субъекттеріне бюджеттерін тиңниріне пирілҷең дотациялар синін пір чарым хати, ол санда Хакасияа 3 миллиард салковайға, ӧскірібізерге кирек тіп санапчабыс. Ікінҷізі, субъекттерге бюджеттерін толдыр полар оңдайлығ идеріне пирілҷең ахчаның тиксі синін ӧскірібізерге, ол санда пістің республикаа - 6,8 миллиардтаң тӧбін нимес. Паза Хакасияа ӧкіс палаларға чурт аларына кӧрілген субсидиялар синін 500 миллион салковайға теере ӧскірібізерге.
Хазна Думазының депутады Надежда Максимова, мында сӧс пирерге сурынып, федеральнай бюджет пастағы хығырығда алыл парғанын таныхтаан.
- Пу айланысты кӧрзе, федеральнай бюджетті хатап пастағы хығырығзар айландырарға кирек, - сағыс-кӧрізін искірген ол. - Пу сурығны, арса, 2021 чылға сығарарға...
Че Владимир Штыгашев тоғыр полыбысхан:
- Пістің дее чаҷынны урназар тастабызарға айабастар, ол айланыс нооза, - таныхтаан ол. - Че піс федеральнай ӱлгӱ органнарын хати сыныхтап кӧрелер. Пістің федеральнай бюджет улуғ профициттіг нооза. Аннаңар піс киректі амох, хаҷан регионнарның чарымызының кӧбізі ахчанаң сидіксінче, алыстырып пастирға чӧп кирчебіс. Кӧр кӧрербіс - ахча пирерлер алай чох..
Салтарында мындағ айланысты ызары ӱчӱн чарадығ пір ӱннең алыл парған - сессияда араласхан 47 депутаттың прайзы аның ӱчӱн ӱнін пирген.
КИИНӀ АРАЧЫЛИРЫНҶА НИМЕ ИДІЛЧЕ?
Сессияның халғанҷы сурии «правительство чазы» полған. Ол «Хакасия правительствозы 2019 чылда киині чахсыландырарынҷа хайдағ тоғыстар толдырғанынаңар, паза 2020 чылда киизер пуртах ниме-ноолар позыдылчатханын хызырарынҷа хайдағ мероприятиелер иртірерге пӧгінчеткенінеңер» сурыға чарыдылған.
Депутаттарның алнында Хакасияның экология министрінің орынҷызы Ольга Лушникова чоох тутхан. Аның искіриинең, ирткен 9 айның салтарларынҷа иң пуртах кииліг Ағбан, Харатас паза Саяногорск полчалар. Ӧӧн сылтағлар - чуртағҷыларның кӧбізі песнең тузаланчатханында, автотранспорт паза промышленность предприятиелері кӧп полғанында.
Амғы туста Хакасия правительствозы киині арачылир пӧгіннең хайдағ кӱн турар схема тимнирінҷе тоғыс апарчаттыр. Ол пічікче Хакас гидрометцентрі метеорология саринаң хомай кӱннер режимін чарлап турар. Аны хоостыра предприятиелерге ол кӱннерде киизер пуртах ниме-ноолар позыдарын хызырарға килізер. Ол хысха тусха кӧрілген оңдай. Киині арачылирға полызар пірге пічік, хайда предприятиелерге киизер пуртах ниме-нооларны хайдағ синнең азыра позыдарға чарабастаңар пазыл парар. Экология министерствозы андағ пічікті 2021 чылға теере тимнеп саларға кирек осхас.
Че Ӧӧркі Чӧп искірілген сан пиріске чӧпсінмеен паза правительстваа пос чӧптерін искірген. Кӧзідімге, депутаттар тың пуртах кииліг город-аймахтарда промышленность предприятиелерінең пуртах ниме-ноолар киизер позыдылчатханын хызырчаң оңдайлар комплексін 2020 чылның 1 апрельіне теере тимнеп саларға кирек тіп кӧзіт салғаннар. Ідӧк 2020 чылда киині сыныхтирына киректелчеткен стационарнай химлабораторияны тӧстирін пӧк саларға чӧп пирілген.
Автор :
Альберт ТОЛМАШОВ
Пн | Вт | Ср | Чт | Пт | Сб | Вс |
26 | 27 | 28 | 29 | 30 | 31 | 1 |
2 | 3 | 4 | 5 | 6 | 7 | 8 |
9 | 10 | 11 | 12 | 13 | 14 | 15 |
16 | 17 | 18 | 19 | 20 | 21 | 22 |
23 | 24 | 25 | 26 | 27 | 28 | 29 |
30 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде