«МСП КОРПОРАЦИЯЗЫ» ХАБАСЧА
09.08.2019
Хабарлар
Пос кирее. Хакасияның идінҷектеріне кічіг паза ортын пос кирее корпорациязынаң хабазығ аларға чарир
«Кічіг паза ортын пос кирее корпорациязы» (хысхаҷахти «МСП Корпорациязы») акционер пірігізі пос киреен тилітчең институт полча, ол «Россияда кічіг паза ортын пос киреен тилідерінеңер» федеральнай закон хоостыра тоғынча. Корпорацияның акционерлері - Россия паза Внешэкономбанк.
«МСП Корпорациязы» республиканың кічіг паза ортын пос киреене льготалығ кредит алар оңдай пирче, аның проценттері тӧбін:
- экономиканың ӧӧн отрасльларындағы МСП-ға -9,6%;
- пасха отрасльдағы МСП-ға - 10,6%.
Экономиканың ӧӧн отрасльларына саналчалар:
аал хонии паза аның полызығларын пиргені; ас-тамах сығарызы, аал хонии ниме-нооларын аннаң андар тимнеені; чарытхыны, газты паза суғны сығарғаны паза таратханы; пӱдіріг, транспорт паза палғалыс; істіндегі туризм; пӧзік технологиялар проекттері; хазых хайраллирынҷа тоғыс; ниме-нооны чыыры паза хайраллиры; чонны азырачаң предприятиелер тоғызы (рестораннардаң пасха); быт полызығлары; сӧп-сап чыыры, чарары, чох идері паза аннаң хатап ниме-ноо сығарары.
Кредиттің сині: 3 миллион салковайдаң пасти 1 миллиард салковайға теере. Льготалығ кредит 3 чылға пирілче.
Аннаң пасха, «МСП Корпорациязы» АО поручительство паза льготалығ лизинг оңдайынаң хабасча. МСП Корпорациязының хабазығ кӧрімнерінеңер сала чарыда искірігні таап аларға чарир Хакасия правительствозының порталында: https://r-19.ru/news/ ekonomika/90821
Сурығларҷа айланарға чарир Хакасияның тиліс чыындызынзар пу адресче: Ағбан г., Кировтың ор., 81 алай телефонча: 8 (3902) 39-71-68.
Автор :
Ольга СЕМЁНОВА
Пн | Вт | Ср | Чт | Пт | Сб | Вс |
31 | 1 | 2 | 3 | 4 | 5 | 6 |
7 | 8 | 9 | 10 | 11 | 12 | 13 |
14 | 15 | 16 | 17 | 18 | 19 | 20 |
21 | 22 | 23 | 24 | 25 | 26 | 27 |
28 | 29 | 30 | 1 | 2 | 3 | 4 |
Кӱн таңмазы
Хакасияда
Россияда
Тилекейде