Хакасияда ӱн пирiс пасталыбысты
17.09.2021
Хабарлар
(Сомға суурған Д.Сунчугашев)
Россияда ӱн пирерi пасталған. Пастағызын Ыраххы Восток чуртағӌылары ӱн пир сыхханнар.
8 час иртен Хакасияның участковай табығ комиссиялары ӱн пирiске хозылғаннар - республикада 382 табығ участогы iзиин асхан. Пастағы табығӌыларның санында, хайзылары табығларның пастағы кӱнiнде паза иртенöк ӱн пирерге килгеннер, Хакасияның пазы Валентин Коновалов полған. Республика устағӌызы Ағбанның 25№ школазында орныхчатхан 9№ табығ участогында ӱн пирген.
Ӱн пирiс соонаң Валентин Коновалов хабарӌыларнаң чоох алызып алған.
- Пу республикаа ла нимес, тиксi хазнаа танығлығ кирек, - теен Хакасияның пазы. - Пiс Хазна Думазын удаа нимес таапчабыс. Паза пӱӱн пiс хазна мыннаң мындар хайди чуртирын, хайди тилирiн таллапчабыстар. Хазна устаанда полған на чуртағӌы аралазарға кирек, пос ӱнiн пирiп. Хазна парламентiнде поларға кирек ол кiзiлер, хайзылары республиканың, аның чуртағӌыларының кирексiнiстерi ӱчӱн турызарлар.
Автор :
Альберт Толмашов
Пн | Вт | Ср | Чт | Пт | Сб | Вс |
30 | 31 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 1 | 2 | 3 |
Кӱн таңмазы