Тиксi Россиядағы чон фронты кiзiзiнiң (ОНФ) талазии хоостыра правительство нандырии
20.10.2021
Хабарлар
Хакасия правительствозының пресс-службазы республика ӱлгӱзiнiң паза ОНФ-тың кiзiлерi аразында хайдағ талазығ пол парғанын чарытхан:
«Хакасия пазының паза правительствоның аппарат устағӌызының тоғызын толдырчатхан Владислав Никонов, позының хылиин пазын полбин халып, Хакасиядағы ОНФ кiзiзi Ксения Лухманнаң хазыр чоохтазыбысхан ӱчӱн пыросынча.
Хайығ айландырарға кирек, СМИ-ларда паза социальнай сетьтерде тарап парған чоохтазығны Ксения Лухман 2021 чылның 13 октябрьында чазыт оңдайынаң оперативнай штаб чыылии соонаң пазып алған.
Оперативнай штабта Ксения Лухман Саяногорсктағы имнег туразында ипчi кiзее имнег полызии чахсы пирiлбеен хоостыра тызы чох, тохтабин, чоохтанған. Правительство кöрiзiнең, ОНФ-тың устағ-пастаа аның искiрии сын алай тайма полчатханын сыныхтабызарға кирек.
Андағ чоох-чаахтар хазнаның хазых хайраллаӌаң cистемазына киртiнiстi чох итче. Сынында хазнаның паза республиканың имнег учреждениелерi коронавирус хайынчатхан туста, чабал ағырығны тохтадып алар ӱчӱн, прай кӱзiн салып, тоғынчалар.
Пiстiң кöрiзiбiснең, пу талазығлығ кирек хоостыра ОНФ-тың толдыра паза сын искiрiгнi чыып алӌаң оңдайы пар.
Хакасияның правительствозы ОНФ-наң оперативнай штабтарда коронавирус чуғынӌах ағырығдаң тоғыр кӱресчең тузалығ тоғысты мыннаң мындар апарарға тимде».
Автор :
Тимнеен Татьяна Тютюбеева
Пн | Вт | Ср | Чт | Пт | Сб | Вс |
30 | 31 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 1 | 2 | 3 |
Кӱн таңмазы
Хакасияда
Россияда
Тилекейде