ХАКАС ХОЙ ИДІ - ИҢ АРТЫХ
02.10.2019
Хабарлар
Чыл ас-тамаа. «Хакас хой иді» завод сығарған хурағанахтың 8 хабырғазына паза кӧксіндегі идіне «2019 чыл ас-тамаа» ат пирілген. Чоннар аразындағы дегустация марии World Food-2019 кӧзідіг тузында иртче. Пӱӱл кӧзідіг ӱртӱн айының 24 - 27 кӱннерінде Москвада ирткен
Марыға сығарылған ит комиссияның пӧзік ӱзӱриине пирілер алнында хатығ сыныхтағ ирткен: тадии, кӧрімі, чызы, пӱдізі тиксі паалалған. Комиссия ідӧк ас-тамахтың упаковказын паза маркировказын паалаан.
Марығ жюризі пістің ас-тамахтың пӧзік синін паалаан. Анзына чахсы чӧлег полча Хакасияның чир-чайааны, хойны хадарҷаң кибірлер, хойны сохчаң, итті оохтаҷаң, упаковкаа ӱлестірҷең пӱӱнгі кӱнге килістіре паза хорғыс чох технологиялар.
«Хакас хой иді» ООО-ның директоры Татьяна Бочарованың таниинаң, марығда аралазып, завод позының ас-тамаанаң ресторан паза садығ тураларын тутчатхан идінҷектерні таныстырған, олар иттің тимнелгенін пӧзік паалааннар. Мыннаң мындар завод хой идінің садиин алғыдарға пӧгінче.
Автор :
Инна ДАВЫДОВА
Пн | Вт | Ср | Чт | Пт | Сб | Вс |
30 | 1 | 2 | 3 | 4 | 5 | 6 |
7 | 8 | 9 | 10 | 11 | 12 | 13 |
14 | 15 | 16 | 17 | 18 | 19 | 20 |
21 | 22 | 23 | 24 | 25 | 26 | 27 |
28 | 29 | 30 | 31 | 1 | 2 | 3 |
Кӱн таңмазы