Госпиталь азылар
12.11.2020
Хабарлар
***********************************************************************************
Россия президентi Владимир Путиннiң чахии хоостыра хазнаның арачыланыс министерствозы Хакасияда коронавирустаң кӱрезер пӧгiннең 100 орыннығ мобильнай госпиталь азар. Пӱӱн министерство пу искiрiгнең ТАСС-наң ӱлескен. Аны азар ӱчӱн регионзар ӧнетiн кӧстеглiг имнег отряды ызылар. Госпитальда прай 200-ке чағын имҷi тоғынар.
«Хакас Республика чуртағҷыларының айланыстары кiрчеткеннеңер, Россия президентiнiң чарадиинҷа арачыланыс министерствозының ӧнетiн кӧстеглiг имнег отряды Хакасиязар 100 орған-орыннығ мобильнай госпитальны чуртағҷыларға имнег полызиин читiрер пӧгiннең ызылар», – таныхтааннар ведомствода.
Министерство таниинаң, Хакасияда Ӧӧн чаа округынаң 200 чаа имҷiзi тоғынар, ол санда имҷiлер паза кiчiг имнег специалисттерi. Госпитальда анестезиология, реанимация, чуғынҷах ағырығлар, санитар-эпидемиология, ағырчатханнарны алчатхан пӧлiктер паза лаборатория тӧстелер. Ӏдӧк анда иң халғанҷы ИВЛ аппараттары, хан анализтерiн иртiрчеткен паза пасха имнег оборудованиезi турғызылар.
Хакасия пазының паза правительствозының пресс-службазы искiриинең, мобильнай госпиталь пу позырахта, 15 ноябрьда, Харатас городта тӧстелер, понедельникте, 16 ноябрьда, тiзең, анда имнег полызиин читiрiп пастирлар.
***********************************************************************************
Автор :
НАТАЛЬЯ Субракова
Пн | Вт | Ср | Чт | Пт | Сб | Вс |
28 | 29 | 30 | 1 | 2 | 3 | 4 |
5 | 6 | 7 | 8 | 9 | 10 | 11 |
12 | 13 | 14 | 15 | 16 | 17 | 18 |
19 | 20 | 21 | 22 | 23 | 24 | 25 |
26 | 27 | 28 | 29 | 30 | 31 | 1 |
Кӱн таңмазы