Пос салынмасха
30.12.2020
Хабарлар
Хакасия правительствозындағы коронавирус чуғынӌах ағырығ тарапчатханынаң тоғыр кӱрезерiнӌе оперативнай штабтың пӱӱлгi чылда халғанӌы чыылии ирткен.
Республикада 29 декабрьда COVID-19 чуғынӌах ағырығнаң 160 кiзi ағырыбысханы iлезiне сығысхан. Пандемия пасталғаннаң наа чуғынӌах ағырығнаң ағырчатханнарның саны 17410-ға чит парған. Хазыхтанып алған 169 кiзi. Тиксi республикада хазыхтанып алғаннарның саны 14066 тиңнелче. Имӌiлер хайиинда 4102 пациент. Ибде коронавирустаң имненчеткеннернiң саны 2618 кiзее чит парған. Стационарларда 716 пациент имнег алча (104 кiзiнiң пу чуғынӌах ағырығ аар иртче, ИВЛ-да - 40 кiзi). Ирткен суткада коронавирустаң 10 кiзi ӱреен, пандемия пасталғаннаң ӱрееннернiң саны 234-ке чит парған.
Хайди таныхтаан Хакасияның хазых хайраллаӌаң министрiнiң тоғызын толдырчатхан Олег Ананьевский, Наа чыл ӱлӱкӱннерiнде республиканың имнег учреждениелерi тимнеглiг режимге кирiл парған. Ағаа хоза тынағ кӱннерiнде имнег полызиин пирерiне резервнай öмелер тöстелгеннер. Iдöк тынағ кӱннерiнде мобильнай öмелернiң тоғыстары тохтағ чох апарылар.
Хакасия пазы Валентин Коновалов полған на муниципальнай пӱдiстерге пос салынмин сыныхтағлар иртiрерге чахаан. Тынағлар соонаң ковиднең ағырчатханнарның саны кинетiн öс парбас ӱчӱн.
Автор :
Наталья Тюкпеева
Пн | Вт | Ср | Чт | Пт | Сб | Вс |
28 | 29 | 30 | 1 | 2 | 3 | 4 |
5 | 6 | 7 | 8 | 9 | 10 | 11 |
12 | 13 | 14 | 15 | 16 | 17 | 18 |
19 | 20 | 21 | 22 | 23 | 24 | 25 |
26 | 27 | 28 | 29 | 30 | 31 | 1 |
Кӱн таңмазы
Хакасияда
Россияда
Тилекейде