ХАРА ПИАРЩИКТЕР ТАЙМА ПІЧІКНЕҢ ТУЗАЛАНЧАЛАР
17.09.2021
Хабарлар
Табыглар-2021. Оӧркі Чӧп кнезі аның адынаң чіли пазылған «агитация материалларын» тайма тіп адаан
Хакасияның Оӧркі Чӧп кнезі Владимир Штыгашев аның адынаң чіли пазылған табығларға удур хакас чонына айланған пічіктернең ол пір дее палғалыстығ ниместеңер искірген. Ол тайма листовкалар республика чуртағҷыларын Хазна Думазынзар кандидаттарның пірсіне ӱн пирерге хығырчалар.
Республикада ӱр ниместе хакас чонға айланыс чіли тимнелген «агитация материаллары» сығыс килгеннер, хайда Владимир Штыгашевтің хол салғаны тузаланылча.
Оӧркі Чӧп кнезі Владимир Штыгашев 15 сентябрьда президиум чыылиинда ол листовкаларны кӧні тайма тіп адаан.
- Мында пар прай хакас чонынзар айланыс, Штыгашев Хазна Думазынзар кандидаттарның пірсіне ӱн пирерге хығырчатхан чіли, - теен Оӧркі Чӧп кнезі. - Ол прай ниме хакас чоны адынаң, че хайда орыс чоны, белорус, чуваш? Хакасияда аймах чоннар чуртапча... Искірчем - ол прай чой, тайма ниме. Мин пірдеезіне адымны хайдағ-да айланыстарда тузаланарына чарадығ пирбеем.
Мин андағ нимелердең оортах тудынчам.
Аның таниинаң, пу сыдаҷаа чох хомай ниме. Сайбағҷыларнаң право хайраллаҷаң орғаннар, істезіг иртіріп, айғазарға кирек тіп сағыс-кӧрізін искірген.
Владимир Штыгашев прайзын законнарға тудынарға паза пірге ӱн пирҷең кӱнде, табығ участогынзар киліп, пос кӧңнінҷе таллағ идерге хығырған.
Автор :
Альберт ТОЛМАШОВ
Пн | Вт | Ср | Чт | Пт | Сб | Вс |
27 | 28 | 29 | 30 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде