ТӦРЕЕН ААЛЫБЫСТЫ ИПТЕПЧЕБІС
25.04.2017
Хабарлар
Ӱр ниместе Асхыс аймаандағы Индіркі Паза аалның ортымах школазының ӱгренҷілері паза ӱгретчілері орындағы культура паркының ибіркізін арығлирға сыхханнар. Пӱӱл пу паркта наа олған площадказы турғызылған.
Амды анда аймах ӧңніг чилеңместер, одырҷыхтар, хумнаң ойнаҷаң орыннар, тураҷахтар, кимеҷектер пар.
Индіркі Паза аалның паркында олған-узахха ойнирға истіг полар ӱчӱн, піс аны сӧп-саптаң, хуруғ ағас салааларынаң арығлаабыс. Анда олғаннар хорғыс чох ойназыннар, іҷе-пабалар, тізең, тынанзыннар.
15 апрельде, тізең, Индіркі Паза аалдағы школаның ӱгренҷілері паза тоғынҷылары школа ибіркізін ідӧк арығлааннар. Школаның устағ-пастаа полған на классха арығлаҷаң алынҷа орын пир салған. Прай ӱгренҷілер тоғысты эрінмин толдырғаннар. Минің кӧрізімнең, иң артых 9-ҷы класстың ӱгренҷілері тоғыныбысханнар. Пирілген орынны сӧп-саптаң арығлабысхан соонаң, олар футбол чазызын паза аның хыриндағы орынны иптееннер. Ол кӱн тасхар соох чил ӱбӱрген, че, андағ даа полза, прайзының кӧңні чахсы полған. Сӧп-сап кӧп чыыл парған, ӧӧнінде хуруғ оттар паза ағас салаалары.
Пу чағында піс ідӧк Индіркі Паза аалдағы Илбек Ада чаа ветераннарына турғызылған хумартхы тас хырин арығлирбыс.
Автор :
Кирияя АНЖИГАНОВ, Индіркі Пазадағы шкояаның ӱгренҷізі
Пн | Вт | Ср | Чт | Пт | Сб | Вс |
30 | 31 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 1 | 2 | 3 |
Кӱн таңмазы
Хакасияда
Россияда
Тилекейде