ХАКАСИЯНЫҢ ПАЗЫ НАА УСТАҒҶЫЛАР ТУРҒЫСЧА
23.06.2017
Хабарлар
Хакасияның правительствозында наа министрлер кабинедін тӧстир тоғыс узарадылча. Регионның пазы нинҷе-де наа устағҷы турғысхан.
Хакасияның пӱдіріг паза ЖКХ министерствозынаң ам устир Валерий Келин. Аның алнында ол Саяногорскта «Тиксі пӱдіріг управлениезі» ОАО-наң устаан, Хакасияның Ӧӧркі Чӧп депутады, ЛДПР фракциязының кізізі полча.
Татьяна Пауль Хакасияның экономика министрі тоғызына хати турғызылған. Аның холында ам хоза Хакасияның тарифтерҷе паза энергетикаҷа хазна комитеді полар.
Хакасияның пазындағы чииттер политиказы киректерінҷе наа управлениенең устир Ирина Церковная. Халғанҷы чылларда ол Харатас администрациязының культура, спорт паза чииттер управлениезінің пастығы полып тоғынған.
Г.Я.Ремишевскаяның адынаң республиканың имнег туразының ӧӧн имҷізіне Алексей Тихонович турғызылған. Халғанҷы чылларда ол Харатастағы пала тӧрітчең аймахтар аразындағы тураның ӧӧн имҷізі полған.
Виктор Зимин республиканың имнег туразының наа устағҷызының тоғызында ӧӧн кӧстеглер таныхтаан:
- Хакасияның хазых хайраллир системазында Сірерні чахсы пілчелер, аарласнаң тузаланчазар. Республиканың имнег туразы - Хакасияда хазых хайраллирында хаҷан даа алнында поладыр. Имҷілер ӧмезін хайраллаңар. Сірерге олаңай нимес пӧгіннер толдырарға килізер, че піс хости поларбыс, піс хада ползабыс, прай ниме килізер!
Автор :
Хакасия пазының администрациязы
Пн | Вт | Ср | Чт | Пт | Сб | Вс |
30 | 31 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 1 | 2 | 3 |
Кӱн таңмазы
Хакасияда
Россияда
Тилекейде