ХАЙЗЫ ДАА САРИ КИРЕК
08.11.2019
Хабарлар
Хоза сӧс. 4 ноябрьда ирткен «Ағбан арығ кии ӱчӱн! Хара тасха чох» митинг республика ӱлгӱлерінің хайии чох халбаан
Правительство экология сурығларын хайди хайығда тутчатханын чарытча республика пазының орынҷызы Юрий Курлаев:
- Сынап таа, пӱӱнгі кӱнде экологияны хайраллиры, сыныхтағда тудары - правительствоның иң пастағы пӧгіні, олох туста аал хониин, ниме-ноо сығарызын тилідері ідӧк пастағы орында турча. Че пу предприятиелерде 4,5 муң чуртағҷы істенчеткенін паза республика бюджедіне 1,5 миллиард салковай парыс кірчеткенін ундутпасха кирек. Чабысса, ол чон хайдар парар? Чонға тоғыс тапчаң кіннерзер, хазна иңніне одырарға? Аннаңар хайзы даа сарин санға аларға кирек. Аның ӱчӱн піс правительствода ӧнетін комиссия тӧстеебіс, хайзы экологияа хорғыс чох поларын хайығда тутча, ол тоғысха халых пірігістерінің кізілері тартылчалар.
Пілдістіг, ол шоколад фабриказы нимес, чир-чайаанға ӱрег иділче. Че чир-чайаанға пасха даа саринаң пілдірте ӱрег иділче: алында туралардаң паза ЖКХ предприятиелерінең - олар хара таснаң одынчалар.
Аннаңар правительство пістің республика чуртағҷыларының паза Хакасиядағы ниме-ноо сығарчатхан предприятиелернің сариларын ипти санға аларға кӱстенче, ниме-ноо сығарызын хайраллап, экологияа хорғыс ағылбазына хатығ кирексіністер турғызар ӱчӱн. 2020 чылда чир-чайаанны паалир пір орында турғызылчатхан сыныхтағ посттары алылары кӧріл парган. Ол - пу сидіксіністіг киректі кӱннің паза онлайн сыныхтағда тударында ӧӧн хаалағларның пірсі. Ізенчем, піс пу сурығда пір кӧріске килербіс.
Автор :
Пазып алған Наталья СУБРАКОВА
Пн | Вт | Ср | Чт | Пт | Сб | Вс |
28 | 29 | 30 | 31 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 1 |
Кӱн таңмазы
Хакасияда
Россияда
Тилекейде