Кӱресчi хыстар медальлар утып алғаннар
10 августтаң пасти пiстiң хазнада Россияның иң кӱстiг спортсменнерiнiң Ӏ Спартакиадазы иртче. Программада – 39 спорт кӧрiмi. 23-24 августта абахай кӱресчiлер кӱстерiнең сынасханнар. Марығ Хазанда ирткен.
Салтарлар ӧрiндiрче. Чир-суғҷыбыс Валерия Чепсаракова 50 кг кӧдiрiмде кӱмӱс медаль холға кирген. Азах меетте ол Надежда Соколованаң (Новгород облазы) тоғастыр. Ағаа пiстiң хыс 0:7 саннаң утыр салған. Чоннар аразындағы класстығ спорт узы Наталья Малышева 53 кг кӧдiрiмде ӱзiнҷi орынға сыххан. Ол кiчiг финалда тува спортсменiн чиңiп алған. Чир-суғҷыларыбыс тренер Владимир Чучуновтың холында узын таптапчалар.
Олох чидiге Анжелика Фёдорова читкен. Ол Таштып аймаандағы Мадыр аалдаң, тренер Юрий Кусургашевтiң устаанынаң харбазарға пастаан. Амғы туста Анжелика Хакасия паза Кемеров облазы ӱчӱн турысча. Аның тренерлерi Марат Кичеев паза Виталий Казимирский (Кемеров облазы) полчалар. Хакас хыс 50 кг кӧдiрiмде харбасча.
Мария Тюмерекованы таныхтирға кирек. Машаның хола медаль. Ол Кемеров облазы ӱчӱн харбасчатса даа, аның ӱчӱн ӧрiнчебiс.
Пн | Вт | Ср | Чт | Пт | Сб | Вс |
31 | 1 | 2 | 3 | 4 | 5 | 6 |
7 | 8 | 9 | 10 | 11 | 12 | 13 |
14 | 15 | 16 | 17 | 18 | 19 | 20 |
21 | 22 | 23 | 24 | 25 | 26 | 27 |
28 | 29 | 30 | 1 | 2 | 3 | 4 |