ІҶЕНІҢ ЧӰРЕЕ
07.03.2017
Хабарлар
Ниме тиңнезер іҷе чӱреенең,
Сын іҷенің аллығ чӱреенең?
Ниме тиңнезер іҷе паарынаң,
Матыр іҷе нымзах паарынаң?
Палазының часказы ӱчӱн
Чирні ӧтіре ол парғадағ.
Иркезінің ӱлӱзі ӱчӱн
Кӧк тигірні тобырғадағ.
Хайран палазының чобағларын
Прай позына артын салғадағ.
Орай кічиинің иреелерін
Ізіг чӱреенде пиктебіскедег.
Сынап оолғының хазии пик полза,
Іҷе істіне ӧрініс толча.
Сынап хызыҷаа часкалығ полза,
Іҷе чӱреене часкалығ кӱн салча.
Мин сині, іҷенің аллығ чӱрее,
Тӧӧйлепчебін чир-чалбахнаң.
Аның хойнында чатча прай ниме,
Тӧлің ӧӧрленче синің паарсазыңнаң.
Хаҷанға даа чалтырап турзын
Кӱн-чайаан кӧк тигір тӱбінде.
Хаҷанға даа сабылчатсын
Іҷебістің ізіг чӱрегі.
Хаҷанға даа айлан чӧрзін
Чир тоғылах кӱнні ибіре.
Хаҷанға даа тӱклеп ле турзын
Іҷебістің паарсах чӱрегі.
Автор :
Алевтина МАЙТАКОВА
Пн | Вт | Ср | Чт | Пт | Сб | Вс |
27 | 28 | 29 | 30 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде