УЛУҒЛАРҒА -ӰГРЕДІГ ТИККЕ
04.02.2020
Хабарлар
«Улуғ тӧл» регион проекті.
Хакасияда «Демография» нацпроектче «Улуғ тӧл» регион проектінҷе 2019 чылда пенсияа сығарға чит париған 554 кізі ӱгредіг курстарын ирткен. Амды улуғ тӧлні наа профессияларға ӱгредер тоғыс узарадылча
Ирткен чылда ӱгредіг алғаннарның 273-і істенчеткен улус полча, олар наа профессияларға ӱгреніп алғаннар. Ӱгренген тоғыс чох 176 кізідең 105-зі тоғысха кіріп алған. Предприятиелернің 109 тоғынҷызы узын тоғыс орнында кӧдірген.
Пенсияа сығарға чит париған кізілерні хоза профессияа ӱгредеріне алай оларның ӱгредиине 2020 чылда федеральнай бюджеттең 14,9 миллион салковай пирілер, республика бюджедінең 150 муң салковай хорадылар. Пӱӱл проект араласчыларының саны алғыдылар, ам тикке ӱгредігні 50 частығ даа кізілер иртерлер.
Аннаң пасха, чонға тоғыс тапчаң служба улуғ тӧлге психология саринаң сидіксіністерні тобырарға, сағыссырастардаң озарға, посты паалап пілерге полысчатхан мероприятиелер иртірче. Кӧзідімге, Пии аймаанда «Частанчатханы істеніске харығ полбинча» искірігліг час иртірілген. Аның араласчылары посты ноо профессияа тартылчатханын тест пастыра паалааннар.
Чонға тоғыс тапчаң кіннерде улуғ тӧлні тоғысха тартарынҷа, оларға «Демография» нацпроектче профессияларға хоза ӱгредер сурығларҷа чӧптер пирчең ӧнетін пункттар тоғынчалар.
Автор :
Ольга КАРТИНА
Пн | Вт | Ср | Чт | Пт | Сб | Вс |
25 | 26 | 27 | 28 | 29 | 30 | 1 |
2 | 3 | 4 | 5 | 6 | 7 | 8 |
9 | 10 | 11 | 12 | 13 | 14 | 15 |
16 | 17 | 18 | 19 | 20 | 21 | 22 |
23 | 24 | 25 | 26 | 27 | 28 | 29 |
30 | 31 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде