Киректi алыстырарына прай кӱс саларға
13.11.2020
Хабарлар
Россия президентiнiң Сибирьдегi федеральнай округтағы полномочиелiг кiзiзi Сергей Меняйло, Ағбанда полып, коронавирус чуғынӌах ағырығ тарапчатханынаң тоғыр кӱрезерiнӌе оперативнай штабтың чыылиин иртiрген. Ӱзӱрiгде региондағы ӱлгӱ органнарының, Роспотребнадзор паза Росздравнадзор управлениелерiнiң, республикадағы имнег учреждениелерiнiң устағӌылары араласханнар.
- Пiс прай ниме ит саларға кирекпiс, амғы сидiк киректi алыстырар ӱчӱн. Ол толдырығлығ ӱлгӱ органнарының, прай синдегi сыныхтағлығ структураларның пiрге пöгiнi, - теен полномочиелiг кiзi.
Чыылығ тузында iдöк имнег учреждениелерiнзер имӌi кадрларын табар сурығлар ӱзӱрiлген, тоғысха имнег вузтарын тоосханнарны паза улуғ курстардағы студенттернi тартарға чарадығ алылған. Региондағы орған-орыннарның санын öскiрерi кöрiлче, ол санда имнег учреждениелерiнiң хоза кӱстерiн тоғысха кирiп - Ағбан пилтiрiндегi имнег туразын паза Саяногорсктағы имнег туразының инфекционнай пöлиин тиксi тыхтағ соонаң чапчаң азып.
Паза пiр кöстег - тесттер иртiрчеткен лабораторияларның тоғызын тӱзiмнiг арах идерi. Кирек полза, хоза имнег оборудованиезiн аларға полызыңар тiп хосхан полномочиелiг кiзi. Чыылығда iдöк табырах имнег полызии службазы тоғызының сидiксiнiстiг сурығлары ӱзӱрiлген.
Имнер тузында читiрiлерiне толдырығлығ ӱлгӱ органнарына полған на аптекада хайдағ им препараттары парын сыныхтаӌаң система тимнирге паза аны чуртасха кирерге чахығ пирiлген.
- Амғы тусха Хакасияда имнег полызии хайди пирiлчеткенi чуртағӌыларның кöңнiне пiр дее кiрбинче. Аннаңар регионның хазых хайраллаӌаң системазы азахта тур халарына паза толдыра режимде тоғын поларына прай кӱс саларға кирек, - айланған чыылығның араласчыларынзар Сергей Меняйло.
Автор :
Хакасия пазының паза Хакасия правительствозының пресс-службазы
Пн | Вт | Ср | Чт | Пт | Сб | Вс |
30 | 1 | 2 | 3 | 4 | 5 | 6 |
7 | 8 | 9 | 10 | 11 | 12 | 13 |
14 | 15 | 16 | 17 | 18 | 19 | 20 |
21 | 22 | 23 | 24 | 25 | 26 | 27 |
28 | 29 | 30 | 31 | 1 | 2 | 3 |
Кӱн таңмазы
Хакасияда
Россияда
Тилекейде