ЧАА АРАЛАСЧЫЛАРЫН ХУМАРТХЫЛАП
02.12.2022
Хабарлар
Аал чуртазы. Илбек Ада чаа араласчыларына чарыдылған ачых Таштып аймаандағы Ӧлең чазы аалда азыл парған
Мының алнында ол орында изел париған хумартхы тас ла турчатхан. Аның ибiркізін прай нааҷылап, наа тимiр сиден, одырчыхтар турғызып, пу ачыхты чахсыландырғаннар. Хайдағ ахчаа? Ӧлең чазының аал чӧбi пӱӱл Хакасияның национальнай паза территориальнай политика министерствозының муниципальнай пӱдiстер аразындағы чонға кирек иң артых проект мариинда аралазып, чиңiсчiлер санына кiр парған. 750 муң салковай утып алған. Iдӧк аймах паза аал чӧбi пӱдiрiге 105 муң салковай хосханнар.
Хумартхы ачыхтың пайрамни азыларына Ӧлең чазының чон-чахсызы чыылысхан: школа ӱгренҷiлерi, ӱгретчiлер, библиотеканың, Культура туразының, аал чӧбiнiң тоғынҷылары, орындағы ӱлгӱ. Пӱдiрiг хайди пӱт парғанын сыныхтирға Ағбаннаң Хакасияның национальнай паза территориальнай политика министрi Лев Сафьянов чиде салған, ол хумартхы тас хыринда чоох тутхан:
– Аарлығ аал чуртағҷылары, уғаа чӱрексіністіг пӱӱн сiрернең хада алғым тыхтағлар соонаң хумартхы тасты азарға. Ол чааҷыларға, ветераннарға, тыл iстенҷiлерiне чарыдылған. Пӱӱн пiс пос хараанаң кӧрiп алдыбыс, сыныхтабыстыбыс министерство пирген ахча хайди хорадыл парған. Чыл сай муниципальнай пӱдiстер аразында мындағ чахсы марығ иртiрiлче, пӱӱл аның сыйых чыындызы 14 миллионнаң 20 миллион салковайға теере ӧскірілген. Прай аал чӧптерiн пу марығда аннаң андар аралазарға хығырчам, чуртағҷыларға, тiзең, амыр, часкалығ чуртас алғапчам.
Национальнай паза территориальнай политика министерствозының алғыстас пiчiктерi пӱдiрiгде хабасхан кiзiлерге читірiлген: библиотека тоғынҷызы Алефтина Тодояковаа, аал чӧбi пазы Олеся Петруноваа, слесарь Рустам Торточаковха, подрядчик Дмитрий Круговыхха. Министр Лев Сафьянов министерствоның кибiрi хоостыра аал чӧбiне Хакасияның паза Россияның флагтарын сыйлаан.
Тимнеен Тарина Бутонаева оның кибiрi хоостыра аал чӧбiне Хакасияның паза Россияның флагтарын сыйлаан.
Автор :
Тимнеен Тарина Бутонаева
Пн | Вт | Ср | Чт | Пт | Сб | Вс |
28 | 29 | 30 | 1 | 2 | 3 | 4 |
5 | 6 | 7 | 8 | 9 | 10 | 11 |
12 | 13 | 14 | 15 | 16 | 17 | 18 |
19 | 20 | 21 | 22 | 23 | 24 | 25 |
26 | 27 | 28 | 29 | 30 | 31 | 1 |
Кӱн таңмазы