211 кiзi хазыхтанып алған, 176 - ағырыбысхан
17.07.2021
Хабарлар
Хакасияда "коронавирус" диагнозтығ 211 чуртағӌы имненген соонаң хазыхтанып алды. Пӱӱнгi кӱнге хазыхтанып алғаннарның саны 8570 кiзее чит парды (01.01.2021 чылдаң сығара).
Халғанӌы суткада республиканың лабораторияларында 176 кiзiдең
COVID-19 табылған (Ағбан - 83, Харатас - 16, Ағбан пилтiрi аймаа - 17, Саяногорск - 14, Асхыс аймаа - 12, Абаза - 6, Таштып паза Шира аймахтары - тöртер кiзi, Сорығ, Боград паза Орджоникидзе аймахтары - iкiлер кiзi, iдöк Хызылчар крайынаң ааллап килген 2 чуртағӌы, Хызылдаң - 1:
- 63 чир-суғӌыбыс, кискекнең ағырыбызып, имнег тураларынзар айланған;
- 27 чуртағӌыдаң ағырығ внебольничнай пневмониядаң имненчеткенде сығысхан;
- 43 кiзi наа чуғынӌах ағырығны сöбiреде хаптырып алған, 19 -тоғыста;
- 8 чуртағӌыдаң ағырығ план хоостыра сыныхтағ иртiрчеткенде табылған;
–10 кiзiдең пос кöңнiнең сыныхтағ ирткен соонаң;
– 6 чуртағӌы пасха субьекттерзер паза хазналарзар ааллап чöрген соонаң коронавируснаң ағырыбысхан.
Чыл пасталғанынаң пiстiң регионда тиксi 10246 чуртағӌы коронавируснаң ағырыбысхан. Пӱӱнгi кӱнде ағырығның 4 кӱнге чон аразында тарапчатхан коэффициентi 1 кöзiдiмге читче, 7 кӱн аразына - 1,1.
Имӌiлер 11151 (-83) кiзiнi хайиинда тутчалар, олар прайзы ағырыбысханнарнаң палғалыста полғаннар.
Ибде 3827(+265) чуртағӌы имненче, имнег тураларында - 1162 (-40) кiзi: оларның 14 -i ИВЛ аппарат полызиинаң тынча.
Автор :
Тимнеен Альберт Толмашов
| Пн | Вт | Ср | Чт | Пт | Сб | Вс |
| 26 | 27 | 28 | 29 | 30 | 31 | 1 |
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | 31 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде
