Чир-чайаанның алыхтанчатханы
28.01.2022
Хабарлар
Тилекей чуртағҷылары таңнабас постары таңнапчалар, хайхабас постары хайхапчалар: чир-чайаан хайдағ-да сағыбаан «сыйых» ағыл ла пирче. Кӧзідімге алза, Турцияның Анталья курорт городында 29 чыл пазынаң хар чаап партыр.
Пістің республика даа хайығ чох халбады. Иртен халын тубан полып, самолеттар, Ағбанзар чит полбин, пасха аэропорттарда тӱс турғаннар. Хар, тың даа чағбаза, чол чӧрчеткеннерні матап сағыссыратты. Аннаңар Ағбанның коммунальнай службазының тоғынҷыларына хатығ чуххан. Город орамаларын хайди табырах арығлабысчатханнарынаңар улуғ нимес сурастырығ иртіргебіс. Оларның кӧріс-сағыстары пасха.
Радион Сунчугашев - водитель. Ағбанда орамаларны табырах паза чахсы арығлабысчалар. Пос машиналарынаң чӧрчеткеннерге коммунальнай службаа хомзынарға, аны хомайлирға сылтағ чоғыл тіп санапчам.
Андрей Майнагашев - чазағ чӧрчеткен кізі. Аар тоғыс оларның. Хараа-кӱнӧрте тоғынчатхан поларлар. Че, хайди даа айапчатсам, кізілер чазағ чӧрчеткен орыннарны хумнаң чайыбыс турҷаң ползалар, чарирҷых. Най тың чылғайах пол парча, аңдарыл таа парарға ӱр нимес.
Валентина Андреева - дворник. Хар халын чаап парза, матап ирее-чобағ кӧрерге килісче. Тоғыста ӱр тудыл парчабыс. Пістің иң пастағы сағыссырас, чазағ чӧрчеткен кізілернің хазыхтарын хайраллиры.
| Пн | Вт | Ср | Чт | Пт | Сб | Вс |
| 28 | 29 | 30 | 31 | 1 | 2 | 3 |
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | 1 |
Кӱн таңмазы
Хакасияда
Россияда
Тилекейде
