Хакасия пазы Омскта пол килді
01.10.2022
Хабарлар
Хакасия пазы Валентин Коновалов Омскта республикадаң мобилизацияа парған иреннернең тоғасты. Чааӌыларны удурлаан оңдайларға хоптар кіргеннеңер, ол пу чорыхха сыххан. Аннаңар Валентин Олегович соцсетьтерде позының страницазында искірген.
- Пӱӱн позым чааӌылар орныхчатхан палаталығ лагерьде пол килдім, чуртапчатхан орынны паза хайди азырапчатханнарын кöргем, сурығларға нандырғам, - пасча Валентин Коновалов. - Иреннернең чоохтазып, оларның кирексіністерін піліп алғам. Прай кірген сурыныстар паза айланыстар ӱзӱрілер. Хакасия правительствозы чаа частьына паза Россияның арачыланыс министерствозына сығысчатхан сурығларны пöгерге прай оңдайларнаң полызар. Омск облазының ӱлгӱлері ідöк частьха хабасчалар.
Республика пазының искіриинең, Хакасиядаң мобилизацияа хабылған иреннер оой нимес оңдайларда полғаннар. Ол Омскта полысчызына частьнаң хада область ӱлгӱлеріне хада-пірге сығысчатхан сурығларны пöгерге хабазарға чахаан. Ол пöгін толдырылған.
Пӱӱнöк мобилизацияа хабылғаннарға республика правительствозынаң хоза хабазығ читірілген: чылығ кип-азахтар, узуӌаң хаптар, карематтар, имнер, гигиена нимелері паза ӱр хайраллалчатхан ас-тамах.
Автор :
Тимнеен Наталья Сюптерекова
| Пн | Вт | Ср | Чт | Пт | Сб | Вс |
| 27 | 28 | 29 | 30 | 1 | 2 | 3 |
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде
