Президент чахии толдырылды!
01.10.2022
Хабарлар
Хакасия пазының орынӌызы Юрий Курлаевтiң искіриинең, Хакас Республика Россия президентінің 21.09.2022 чылда алған “Россия Федерациязында чардыхти мобилизация чарлирдаңар” 647 N чарадиин толдырыбысты.
- Улуғ тоғыс иділ парды, - таныхтапча Юрий Курлаев. - Полған на кізі пос тоғыс орнында турғызылған пöгінні толдырған, ööні, пасхазын тыңнаан. Прай хайызығлар хада-пірге ипти тöстелген: аймах синдегі ӱлгӱ органнары, чааӌылар, ведомство, халых паза пасха кöстегліг пірігістер, мобилизацияа тартылғаннар, оларның сöбірелері, тоғыс пирчеткеннер аразында. Пу кӱннерде пірдеезі тастыхти турбаан. Пілдістіг, прай сурығларға азынада кöрілген алай олаңай нандырығ тимде полбаан. Че піс сын, азых, кöні чоохтығ тіл тапхабыс.
Оңарған, сыдамах тудынған, пастағлар, чöптер паза тоғыс ӱчӱн прайзына алғызым читірчем!
Пӱӱн иртеезінöк Хакасия пазы - Хакасия правительство кнезі Валентин Олегович Коноваловтың чахиинаң мобилизация хайди иртчеткенін аннаң андар хайығда тудар пöгіннең Омсксар чорыхха сығыбысхам. Мобилизацияа тартылғаннарны ӱгредіг орнында удурлирынӌа, азырирынӌа, санға аларына прай тимнегліг тоғыста аралазарға пöгінчем, ол санда чапчаң пöгерге киректелчеткен сурығларӌа.
Иреннерібіс піс оларның хости турчатханыбысты, пик иңнібісті тутчатханыбысты, оларның кистінде турчатхан тиксі республиканың хабазиин пілерге киректер.
Пістің кічіг чир-суубыстың турыстыра ооллары амыр ползыннар, ибде дее оларның чағыннары ізестіг арачылағдалар. Мобилизацияа тартылған сöбірелеріне прай саринаң хабазары - пӱӱнгі кӱннің ööн пöгіннернің пірсі полча.
Автор :
Наталья Сюптерекова
| Пн | Вт | Ср | Чт | Пт | Сб | Вс |
| 29 | 30 | 1 | 2 | 3 | 4 | 5 |
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде
