Мобилизацияа тартылғаннарға наа хабазығлар тимнелче
04.10.2022
Хабарлар
Хакасия правительствозы мобилизацияа тартылғаннарға ахчалығ хабазығларны тöлирге чарадыбысхан, ідöк наа хабазығларны тимнепче, че оларны алар ӱчӱн республика бюджедіне алызығлар кирерге киректелче. Аннаңар искірче Хакасия пазы Валентин Коновалов.
- Мобилизацияа тартылғаннарның сöбірелеріне чапчаң хабазарға киректелчеткеннеңер, пір саңай тöлелер ӱс ахчалығ хабазығ алылған, - таныхтапча Валентин Олегович. - Пу хабазығларға ахча, бюджетке алызығлар кирбин, резерв чыындызынаң позыдылар! Пілчем, аннаңар мағаа ідöк чир-суғӌыларыбыс Омскта чоохтааннар, сöбірелерге ахчалығ хабазығ амох киректелче, чааӌылар сағам пір дее ахча алғалахха. Оларның бюджетке алызығлар кирерін сағыӌаң тус чоғыл.
Хакасия правительствозы пу хабазығнаң тохтабас! Амды піс наа хабазығларны кирерге тимненчебіс. Оларны алар ӱчӱн регион бюджедіне алызығлар кирерге паза Хакасияның Ööркі Чöбі синінде чарадарға киректелче. Оларны республика парламентінің теестегі чыылиинда алары кöрілче, сағам Ööркі Чöп депутаттарынаң хада-пірге олар тимнелчелер.
Хакасия парламентінің кнезі Владимир Николаевич Штыгашев хоза хабазығларны аларға киректелчеткенінең чарасча. Таңда піс анзын тоғазып ӱзӱрербіс.
Автор :
Тимнеен Наталья Сюптерекова
| Пн | Вт | Ср | Чт | Пт | Сб | Вс |
| 30 | 1 | 2 | 3 | 4 | 5 | 6 |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | 31 | 1 | 2 | 3 |
Кӱн таңмазы
Хакасияда
Россияда
Тилекейде
