КЭФ’23: Чиит дипломаттар ӧскiрiлче
03.03.2023
Хабарлар
Киҷее, кӧрiк айының 2-ҷi кӱнiнде, Хызылчардағы экономика форумында аралазып, Хакасия пазы Валентин Коновалов Россияның дипломаттары ассоциациязының устағҷызы Игорь Халевинскийнең тоғасхан.
– Хакасия правительствозының паза Россияның дипломаттары ассоциацияның пiрге тоғыс салтарларын идiп, нинҷе-де кӧстегҷе хада-пiрге тоғынар кӧстеглернiң оңдайларын ӱзӱргебiс, - таныхтаан Валентин Олегович. – 2020 чылда Россия МИД-ының Хызылчардағы представительствозы пiрiгiс хабазиинаң Хакас национальнай гимназияда Сибирьде пастағы Чиит дипломаттар клубын азыбысхан. 2022 чылның чарыс айында национальнай гимназияның ӱгретчiлерi хабазиинаң андағох клуб Луганскта тӧстелген, позыдылған регионнарда ол пастағызы полча.
2021 чылда пiстiң правительство паза Москвадағы чоннар аразындағы хайызығларының хазна институды аразында республика школаларын тоосхан ӱгренҷiлернiң кӧстеглiг ӱгредиинеңер чӧптезiг тоғынча. Ирткен чылда Хакас национальнай гимназияны тоосхан iкi кiзi МГИМО-ның студенттерi полыбысханнар.
– Игорь Васильевичтi чиит дипломаттар чӧрiмiнiң тилiзiне хозымы паза Хакасияда чонға кирек программаларны чуртасха кирчеткен ӱчӱн алғыс читiргем, - тiпче республика пазы.
Автор :
Тимнеен Наталья Сюптерекова
| Пн | Вт | Ср | Чт | Пт | Сб | Вс |
| 31 | 1 | 2 | 3 | 4 | 5 | 6 |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | 31 | 1 | 2 | 3 |
Кӱн таңмазы
Хакасияда
Россияда
Тилекейде
