КЭФ'23: Сибирьде iкi ОЭЗ тӧстелер
03.03.2023
Хабарлар
Хызылчардағы экономика форумының «Россияның промышленность орыннарының тилiзi – чуртасха кирiлген иң артых проекттер» ӱзӱриинде Россияның экономика тилiзi министерствозының регионнар тилiзi департаментiнiң директоры Виталий Алтабаев аннаңар искiрген.
– Сибирь регионнары промышленность кӧстеглiг iкi алынҷа экономикалығ орынны тӧстирiнҷе пастағларын тимнепчелер: Тывада Моол чирiнең хырығларда паза Хакасияда, - таныхтаан Виталий Алтабаев.
Аның искiриинең, Сибирьдегi алынҷа экономикалығ орыннарның чарымы сығарыс-промышленность кӧстеглiг. Оларның ӧӧн чардығы ам даа тиксi кӱзiнең тоғынғалахтар. Ӏди 2020 чылда «Хызылчардағы технология ойымы» паза Омск облазында «Авангард» промышленность ОЭЗ-лары тӧстелгеннер, 2022 чылда – пiр ОЭЗ Кузбасста. Че олар прайзы даа регионнарның ӧӧн городтарындағы совет тузындох тӧстелген промышленность орыннарына "наа тыныс пирерiне" кӧстелгеннер. Пу орыннар тиксi 134 миллиард салковай инвестиция кирерге паза 3 муң азыра тоғыс орыннарын тӧстирге полызарлар.
Алтабаев регионнарны федеральнай тирiглернең ӧткiн тузаланарға хығырған, оларның санында - бюджет кредиттерiнiң пӱдiзiн алыстырары (1704-ҷi программа регионның наа инвестиция проекттерiнiң инфраструктуразына регион бюджедiнең ахча позыдар оңдай пирче, ол наа инвестиция проектi чуртасха кирiлгенiнең федеральнай бюджетсер тӧлелген налог синiне, тiзең, хазна ӧдiзiн хызырып аларға полысча), регионның ОЭЗ инфраструктуразына хорадығларын айландырары паза инфраструктураа бюджет кредиттерi.
Автор :
Тимнеен Наталья Сюптерекова
| Пн | Вт | Ср | Чт | Пт | Сб | Вс |
| 31 | 1 | 2 | 3 | 4 | 5 | 6 |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | 31 | 1 | 2 | 3 |
Кӱн таңмазы
Хакасияда
Россияда
Тилекейде
