Хакасия ЛНР чуртағӌыларына полысча
25.07.2023
Хабарлар
Червонопартизансктағы 3 № ортымах школада тыхтағ тоғыстары хайнапча. Пу школада кöп пала ӱгренче. Тиксi тыхтағ, тiзең, мында школа тöстелгеннең сығара идiлбеен. Аннаңар школа тоғынӌылары пасталыбысхан тоғысты "чӱс чыл пӱдiрии" адапчалар тiп искiрче "Родной" телеканал. Таныхтирға кирек, ЛНР-дағы пу городты Хакасия позының холына алып алған. Пу тыхтағ тоғыстары пiстiң республиканың хабазиинаң апарылча.
- Пiстiң школада Хакас Республика пазы Валентин Коновалов полған, аның орынӌызы, республиканың правительство делегациязы кил парған, хайдағ тоғыстар идерге киректелчеткенiн кöрiп алғаннар. 18 июльдаң сығара пiс хайығны пос хараанаң кöр сыххабыс, хайди ол чуртасха кирiлчеткенiн, - чоохтапча школа директоры Светлана Демченко.
Тыхтағ тоғыстары iдöк орындағы олған садында апарылча.
Хоза чоохтирға кирек, Хакасия андағы ӱгренӌiлерге учебниктернең хабасча. Ӱгредiг паза наука министерствозы пастыра ЛНР-ның Свердловскай аймаандағы школаларынзар iкi муң артиинаң учебник ызылар.
Автор :
Тимнеен Альберт Толмашов
| Пн | Вт | Ср | Чт | Пт | Сб | Вс |
| 30 | 31 | 1 | 2 | 3 | 4 | 5 |
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 1 | 2 | 3 |
Кӱн таңмазы
Хакасияда
Россияда
Тилекейде
