Пір сомның тархыны
26.07.2023
Хабарлар
Піске пасчалар
Пір чалахай кӱнде піссер чаҷам палаларынаң хада килген. Ол туған-чағыннарның иргі сомнарын ағыл пирген. Анда мин чапсых сом кӧр салғам: тай ағамны ӱс абаҷахтарнаң хада. Іҷем чаҷамнаң хада аның тархынынаңар чоохтап пиргеннер.
Николай тай ағам абаҷахтарнаң хада
Минің тай ағамның ады Николай полған, тӧреен Ортон аалда. Соонаң сӧбірезінең хада Писхамҷызар кӧзібіскен. Анда тай ағам тайға хадағҷызы полған. Пір хысхы кӱнде ол тайғазар сығыбысхан. Анда аба інін таап алған. Ол інде, тізең, ӱс абаҷах. Іҷелері пір дее кӧрінмеен. Минің ағам пілген: пір дее аң палаларын тастабинча. Аннаңар абаҷахтарны хада алып алған. Олар иб хыринда тасхар чуртаҷаңнар, ағастарға сых чӧрҷеңнер. Ибдегілер аңыҷахтарны итнең азыраҷаңнар. Минің тай ағам аңнаҷаң. Іди абаҷахтар кізілернең хада пір чыл чуртааннар. Тай ағам кӧрген, абаҷахтар ӧсклеп парғаннар, алынҷа чуртирға тимделер. Аннаңар ол оларны тайғазар позыдыбысхан. Нандыра абаҷахтар айланмааннар. Андағ хынығ ниме піс ӧбекелерібістеңер піліп алғабыс.
Сом сӧбіре архивінең
Автор :
Галина Тимовкина, Асхыс аймааның хоза ӱгредіг пирҷең кінінің ӱгренҷізі
| Пн | Вт | Ср | Чт | Пт | Сб | Вс |
| 26 | 27 | 28 | 29 | 30 | 1 | 2 |
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 29 | 30 |
| 31 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде
