Хакасияда Хазна Думазының бюджетче паза налогтарҷа комитедiнiң кiзiзi Денис Парфёнов тоғынча
29.07.2023
Хабарлар
«Хакасия ирткен чылда чахсы чуртас-экономика кӧзiдiглерiне читкен, хайзы-да отрасльда - рекордтығ кӧзiдiглерге. Анзы республика правительствозының тӧрт чыл аразына план хоостыра идiлчеткен тоғызының салтары полча.
Пiс регион бюджедi парызын 2,5 хати алғыдып алғабыс. Хазна алымының коммерческай чардығын тооза даа тӧлеп салғабыс, ам ағаа кӧрiлчеткен хорадығлар сині 6 хати хызырыл парған.
Іди ахча сурииның узы-пазына сығып алғаны піске социальнай сферадағыларға, аал паза чол, чурт-коммунальнай хоныхтарына, туризмні тилідеріне, кічіг паза ортын предприятиелерге хай-хай кӧп хабазарға оңдай пирген. 2022 чылда піс муниципалитеттерге 22-ҷе миллиард салковай позыдып хабасхабыс, анзы амғы чуртастың тархынында иң улуғ полызығ полча.
Хакасия халғанҷы ікі чыл Россиядағы чуртас-экономика саринаң чахсы тиліпчеткен 35 регион санына кірче.
Денис Андреевич пістің республиказар пастағызын на килбинче. Ол Хакасия правительствозынаң хада-пірге ӧткін тоғынча, піске федеральнай хабазығны кирексіпчеткен сурығларны пӧгерге полысча», - таныхтапча социальнай сетьтердегi страницаларында Хакасия пазы Валентин Коновалов.
Автор :
Тимнеен Инора Боргоякова
| Пн | Вт | Ср | Чт | Пт | Сб | Вс |
| 31 | 1 | 2 | 3 | 4 | 5 | 6 |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | 31 | 1 | 2 | 3 |
Кӱн таңмазы
Хакасияда
Россияда
Тилекейде
